Proklamashon Dia di Outonomia basá riba ignoransia

 

69442358-8584-45FC-B6F3-207D0A97C2CF

Un bon amigu di mi gusta mi ekspreshon: “Laga e stòf baha promé ku opiná”. Despues ku Gobièrnu a deklará 10 di òktober Dia di Outonomia ta eksaktamente lokual mi a hasi. Mi a trata di tur manera pa komprondé, pero mi no por yega na otro konklushon ku esnan enbolbí den e desishon aki sea no konosé nos historia òf konsientemente ta burla di dje.

Riba 10-10-10 Kòrsou a bira outónomo den Reino despues ku for di 1951 e tabata outónomo, pero den e bachi di Antia Hulandes (AH). Kòrsou no a haña mas outonomia ku AH. Es mas, riba 10-10-10 Kòrsou a bira ménos outónomo ku AH tabata. Loke nos a hasi riba e fecha ei ta sali for di AH. Mester kòrda ku tabatin sigur tres otro fecha akordá dor di Konseho di Minister pa desmantelá, pero ku no a logra. E fecha 10-10-10 a subi mesa na momentu ku un konsehero di Gobièrnu a kombensé algun minister ku e fecha ta “zona bon”. Mi sa pasombra mi ta tei den e reunion en kuestion.

E proklamashon deskabeyá aki ta ignorá e kuantioso akshonnan di nos antepasadonan den e lucha pa outonomia. Outonomia no tabata un pakete ku a surgi riba un dia i sigur no riba 10-10-10. Bo tin e promé Parlamento ku a keda instalá den aprel 1938. Interim Regeling, nòmber di nos Konstitushon na e momentu ei, a sòru pa outonomia interno na febrüari 1951. Despues di esaki e a keda refiná i Statüt a keda firmá na desèmber 1954. Na 1948 un lei nobo a proklamá ku tur hòmber i muhé por a vota. I asina tin hopi mas momentu den nos historia ku a kontribuí na outonomia inkluso loke Staten na 1946 a yama “e promé paso pa gobernashon propio”, esta nombramentu di un representante di nos pais na Ulanda.

Yama 10-10 Dia di Outonomia ta un falsifikashon di historia i un sla den kara di esnan ku a lucha pa mas ku 150 aña pa loke nos tin awe. Ban spera ku Gobièrnu ta rektifiká e vupá bergonsoso aki. Bo ke selebrá 10-10 na 2019? Yamé Dia di Desmantelashon di Antia Ulandes.

Bucharest, Romania

 

Author: alexdavidrosaria

Alex Rosaria is from Curaçao. He has a MBA from University of Iowa. He was Member of Parliament, Minister of Economic Affairs, State Secretary of Finance and United Nations Development Programme Officer in Africa and Central America. He is an independent consultant active in Asia and the Pacific.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s