Iglesianan a uni pa antagonisá i sembra odio

 

DBF9FA69-2299-4575-BA3C-CA217782B70A

Na lugá di pasifiká boso a skupi odio. Na lugá di prediká kompashon boso a skohe pa demonisá e grupo LGBTQ ku ta lucha pa trato igual komo hende. Esaki ta e mesun lucha ku e katibu a hiba, mesun lucha ku hende di koló (t)a hiba i e mesun lucha ku hende muhé (t)a hiba. No tin diferensia.

Boso ta na altura kuantu di boso sirbidónan ta LGBTQ? Boso ta na altura kuantu di boso sirbidónan tur dia di nobo ta metí den abuzu seksual di mucha bou di edat? Klaro ku boso sa pasombra boso ta dominá e arte di bira kara, bari e problema bou di tapeit òf pòst’e pa otro parokia. Ta p’esei boso no a papia ora un pastor lokal a bai prizòn pa abuzu seksual. Mesun silensio ora e postema di abuzu a baster na Chile, Merka, Costa Rica i Vatikano. Pero boso ta kla pa subi tarima den Punda i husga otro sin wak den spil promé.

Bèrdat ta pará den e buki religioso Kristian, Beibel, ku homoseksualidat ta un piká i ku esaki mester keda prohibí (Leviticus 18:22). Pero riba e mesun blachi di e Beibel tin mas prohibishon i piká severo e.o.: tatuahe na kurpa (Leviticus 19:28), bisti paña ku ta trahá di dos òf mas material (Leviticus 19:19) i kòrta bo kabei i/òf barba den un forma rondó (Leviticus 19:27). Mi punto ta ku ta masha fásil pa bo ‘cherry pick’ net e puntonan ku ta sostené bo pensamentu ku abo tin mas derechi ku otro i bisa:  “Beibel ta  bisa ku…”. Pero ta ken a dunabo e poder pa usa bo interpretashon religioso selektivo i kumbiniente pa papia na mi nòmber? 

E spektákulo ayera no ta un sorpresa. Mi no a fèrwagt otro di un grupo ku ta moralmente bankarota.

Finalmente, bo no mester ta un hende muhé pa sostené trato igual pa muhé. Bo no mester ta Hudiu pa kondená Holokosto, bo no mester ta un LGBTQ pa sostené trato igual pa hendenan ku un preferensia seksual ku nan a nase ku n’e pero ku no ta meskos ku esun di bo. Loke nos komunidat mester ta mas hende ku ta drei wak nan bisiña i bisa nan:”ken ami ta pa diskriminá bo i kita bo derechi riba igualdat a base di bo koló, sekso, orígen, religion, kredu, status ekonómiko i preferensia seksual”.

Loke e iglesianan a hasi ayera na Alameda ta tipifiká lokal ta putrí den nos komunidat: alimentá intoleransia, diskurso di odio i mentalidat di “nan kontra nos”. Ta opvio ku bo no por unifiká na mes momento ku bo ta dividí. Bo no por evangilisá na mes momentu ku bo ta antagonisá.

Willemstad, Curaçao

https://alexdavidrosaria.blog/2017/03/19/no-ta-nan-ku-nan-sino-nos-tur/

Author: alexdavidrosaria

Alex Rosaria is from Curaçao. He has a MBA from University of Iowa. He was Member of Parliament, Minister of Economic Affairs, State Secretary of Finance and United Nations Development Programme Officer in Africa and Central America. He is an independent consultant active in Asia and the Pacific.

11 thoughts on “Iglesianan a uni pa antagonisá i sembra odio”

  1. Tremendo artikel Sr. Rosaria. Riba un FB di un hende, un persona ta komemtariá riba Sr. Rosaria i no riba kontenido di e artikel. Hopi typisch. Dal bai i keda skibi. Raquel

    Like

    1. Hopi bon y fuerte artikulo sr. Rosaria!
      Danki!
      Nos mester di mas persona nan ku mente sano asina’ki!
      Sino nunka “nos mes lo por”!

      Like

  2. Danki Raquel. It had to be said. Iglesia ta parà na e banda robes di e luchu pa igualdat i dignidat di tur hende. No awor aki, semper. P.e. Frater Radulphus na nòmber di katólikonan a bringa kontra di derechi di hende muhé por vota na Antia Ulandes.

    Like

  3. Tremendo kontribushon na e perpetuo diskushonnan entre e “yu-di-Kòrsou esklabo fiel i inprudente” i un komunidat di siglo 21.

    E desafio ta GRANDI I DIFISIL … “Ki’ aspekto di balorashon di HENDE i SU HUMANIDAT por usa den e perpetuo esfera aki di antagonismo i demonisashon, si e pastornan aki NO TA BALORA HUMANIDAT I SU AGENSIA?”

    Like

    1. Danki pa bo kontribushon. Durante siglo i siglo religion i religioso a sostené hopi tipo di sklabitut. I no lubidá ku Frater Radulphus segun Hendrik Pieters Kwiers a bisa den su buki, na nòmber di iglesia tabata kontra pa hende muhé haña derechi di voto aktivo.

      Like

  4. Mi tabata konsientemente presente na Alameda. Dikon, pa mi mira i sinti kon profundo e hipokresia ta den nos pueblo. Tabata un eskperensha pa mira hende ku mi konose bon bon i ta trata mi komo ” igual” ku nan tabata elogia loke tabata papia den mikrofono. Esmas elogiami pa mi logronan den bida, pero den realidat mi ta secundario paso mi no ta biba manera nan ke mira mi bida. Orguyoso i feliz mi ta ku semper mi por a biba manera mi kurason a duna mi pa biba ku mi kasa pa mas ku 4 dekada. Grandinan a siñja mi, Freddy no laga ni un hende ganja, bo tur kos a sosode tur tempu. Anochi tur pushi ta pretu. Net esunan ku ta borota kontra nos, ora nan buska i hanja chens, ta stop stop, hasiele un bes mas paso mi gusta masha. Mihor nos laga kenta pa 8 dia

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s