Polítika di base den era moderno: Bisiñanan na Iowa ta debatí i skohe nan kandidato presidensial Demókrata

EF24FC74-AC48-40C3-B980-0429E89B4203

Djaluna 3 di febrüari, tur wowo ta riba Iowa, un estado Merikano ku ta produsí mas ku dòbel e kantidat di mainshi ku hinter EU ta produsí. Iowa ta e promé estado pa skohe un kandidato presidensial di partido Demokrat pa elekshon na novèmber 2020. Ademas, Iowa no ta usa e sistema di voto sekreto (primary) manera kasi tur otro estado, sino un sistema diferente ku yama caucus. Ripará ku ta papia di Iowa caucus, pero p.e. Florida primary.

Kon e caucus ta organisá?

Iowa (3 1/2 mas grandi ku Hulanda) ta keda repartí den 1,681 distrito. Kada distrito ta tene su mes caucus ku ta ku inisiá 7 pm i e proseso por dura 2 hora largu. Hopi biaha esaki ta tuma lugá na un misa, biblioteka, skol i asta un kas di famia. Orguyosamente Iowa ta yama su proseso “un binimentu hunto di bisiña pa skohe e mihó kandidato”. E no ta un elekshon. Sinembargo e echo ku e proseso ta largu, lat i durante di e luna mas friu, no hopi hende ta partisipá.

Iowa su caucus ta konsistí di tres paso:

Unabes bo yega e sitio di e caucus, e kabesante ta laga representantenan di kada un di e (12) kandidatonan Demókrata hiba palabra pa kombensé esnan presente pa apoyá su kandidato. Esaki sa resultá den gritamentu formal. Despues ta forma diferente grupo di sostenedó di e kandidatonan den e sala. Ta posibel pa partisipantenan na e caucus deklará nan mes ‘indesiso’.

Si un òf mas kandidato haña menos di 15% di sosten di e presentenan, ta haña 30 minüt adishonal pa kombensé sea e indesisonan òf hendenan ku ya kaba ta sostené un otro kandidato. Si tòg no yega 15%, por disidí di bandoná sala òf djòin un di e kandidatonan ku 15% òf mas.

Finalmente e kabesante di caucus ta determiná e porsentahe di sosten di kada kandidato. Esun ku haña mas despues di konta tur e 1,681 distritonan, a gana e caucus di partido Demokrat na Iowa. E sistema di Iowa ta unu proporshonal: kada kandidato ta keda ku su porsentahe di sosten. A base di e repartishon aki, 41 delegado di Iowa ta keda repartí otro siman entre tur e kandidatonan ku a haña 15% òf mas sosten despues di a konta tur e 1,681 distritonan.

Willemstad, Kòrsou

Alex Rosaria a studia 6 aña na Iowa (University of Iowa) i a eksperensiá e caucus na 1984 i 1988

Author: alexdavidrosaria

Alex Rosaria is from Curaçao. He has a MBA from University of Iowa. He was Member of Parliament, Minister of Economic Affairs, State Secretary of Finance and United Nations Development Programme Officer in Africa and Central America. He is an independent consultant active in Asia and the Pacific.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s