Referèndum munisipio, ojo

CEC86F9D-AE77-40A3-B0B2-77A165B0B068

Nos mester bira munisipio (òf provinsia) di Hulanda, ta un deseo popular awendia. E pensamentu ta ku nos mes no por i ku ta Hulanda mester atendé nos asuntunan pa nos. Pues, hopi ta pidi un referèndum pa kaba pa nan skohe munisipio. Mi no ta defendé opshon(nan) pa kambio di struktura estatal, pero sí mi ke hala atenshon riba algun aspekto promé ku nos subi e trein di referèndum.

Na di promé lugá nos no tin e detayenan di munisipio den nos man. Esta, no ta nos unilateralmente ta disidí kon ta duna kontenido na e opshon aki. Opviamente ta despues di un referèndum mester negosiá ku Hulanda. Pues den un eventual kampaña di referèndum ta bira práktikamente imposibel pa (honestamente) splika e pueblo kiko munisipio ta kome i bebe realmente. Wak Brexit.

Tambe nos a eksperiensiá último dékada kon “Si i No” a asentuá e divishon riba nos isla, prinsipalmente despues di e negosashonnan ku Hulanda riba e opshon ganadó. Mas divishon den nos pais ta sumamente indeseabel i peligroso. Tambe mi tin interogatorio pa ku e “timing” di un referèndum ku lo monopolisá tur nos tempu balioso enbes di traha pa saka nos pais dilanti.

Por último, ta inkomprendibel ku te ainda poko ta prekupá ku nos no tin lei di referèndum. Ningun di e preguntanan siguiente tin un kontesta. Ken ta determiná ku lo tin referèndum? Gobièrnu, Parlamento òf un petishon di suidadanonan? E resultado di un referèndum lo ta un konseho òf un mandato? Kua ta e mínimo di voto bálido pa un referèndum ta legítimo? E porsentahe nesesario pa un kambio estatal mester ta 50% òf 66% òf 75%? E porsentahe ta kambia dependé e tema di referèndum? Ta laga hende di 16 aña tambe partisipá. Personanan residensiá legalmente sin nashonalidat Hulandes por partisipá?

Sin klaridat riba kontenido di munisipio i un lei di referèndum aprobá, e referèndum por keda fásilmente manipulá, e resultado poné un banda,  i interpretá na mil i un manera. I portá mas indeseabel ta ku esaki por hiba nos na un krisis ku daño ireparabel. http://www.alexdavidrosaria.blog

Willemstad, Kòrsou

 

Author: alexdavidrosaria

Alex Rosaria is from Curaçao. He has a MBA from University of Iowa. He was Member of Parliament, Minister of Economic Affairs, State Secretary of Finance and United Nations Development Programme Officer in Africa and Central America. He is an independent consultant active in Asia and the Pacific.

3 thoughts on “Referèndum munisipio, ojo”

  1. “Awareness” ku urgansia mester ta birando mas ku in palabra hip pa show-off ku ne. E kontenido ta hasi ku pa kwalke kondishon ku nos tin of ke skohe pe, e bendito “awareness” mester kuminsa funshoná. Na mi idea pa un deseo ta importante pa kuminsa defini deseonan, tambe nos molester, keho of falta di konosimento di asta esun ku nos a skohe pa rigi nos mes aktualmente.

    Like

  2. Hopi MAKAMBA i podise abo ku bo kompinchinan
    tambe.
    Pero e pueblo pretu,ku ta biba den miseria no ké.
    Stop di instiga!!!

    Outlook voor Android downloaden

    ________________________________

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s