Oumento pa ministernan ta robes

28466209-1E57-450D-A3D1-38DCB5A0B921

Kualkier hende ku ta konta chiste sa ku e aspekto mas importante ta “timing” di e “punch line”. Di otro banda timing tambe ta importante ora bo tuma un desishon fèrfelu, manera oumento di salario di ministernan den un periodo di krísis, covid 19 ku ya a obligá e gran mayoria di pueblo i negoshante entregá.

Mi ta komprondé ku hurídikamente ta trata aki di un desishon “ambtelijk” pa hisa salario di e ministernan. Hurídikamente Konseho di Minister (KdM) no ni a oponé ni akòrdá e desishon, pero a bisa “kennisgenomen”. Den práktika sinembargo KdM a bai di akuerdo ku e desishon. Pregunta ta pakiko KdM no a “overrule” òf posponé e desishon ambtelijk? 

Tambe mi ta kompronde ku hurídikamente e oumento ta korekshon di un fayo for di 10-10-10. A korehí e fayo riba 19 di ougùstùs 2020, pero kiko ta pasa ku e periodo di 10-10-10 te ku 19 ougùstùs 2020? E ministernan aktual ta haña ku forsa retroaktivo for di momentu ku nan a sinta? E ministernan anterior (ku hurídikamente) a traha bou di un fayo ku no tabata nan falta, tambe lo keda rekompensá? E desishon aki lo tin konsekuensoa pa nan penshon? Kon ta para ku e ministernan ku durante di e periodo di fayo aki a kobra overbrugging?

Ta parsemi ku hurídikamente e korekshon di e fayo no por ta konta pa esnan aktual so, pero pa tur minister ku a traha for di 10-10-10. Kuantu plaka esaki lo kosta? A tene kuenta ku esaki den presupuesto(nan di mas aña)?

Finalmente pakiko no por a wanta e oumento salarial di e Sekretarionan General? E prinsipio di skoudernan hanchu no ta konta?

E timing di gobièrnu ta teribel i ta kousa rabia. Tambe e ta kousa konfushon si kos enbèrdat ta asina malu. Mi a bisa anteriormente ku outonomia kier men manehá nos asuntunan na drechi. Awor, ta ken tin rudia riba nos outonomia?

Willemstad, Kòrsou

Author: alexdavidrosaria

Alex Rosaria is from Curaçao. He has a MBA from University of Iowa. He was Member of Parliament, Minister of Economic Affairs, State Secretary of Finance and United Nations Development Programme Officer in Africa and Central America. He is an independent consultant active in Asia and the Pacific.

2 thoughts on “Oumento pa ministernan ta robes”

  1. Esaki ta un berguensa, i ta mustra ku esun ku a tuma e desishon i e ministernan ku ta benefisia, no ta tin ningun heful. Salarisnan di e mandatarionan i e direktornan di NV alia ku gobierno tin di wordu adapta i pone na e altura ku e normanan nobo.No por ku enter e poblashon ta sufri i un grupito ta gana mas ku enter e poblashon, pa anjanan largu i na luga di baha e salarionan na nivelnan akseptabel,nan ta bai subi nan aun mas! Esaki ta hasimi misselijk!!! I mi no ta kompronde tampoko e pasiviteit di e pueblo aki.E kos aki no por mas!!!

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s