Elekshonnan den Karibe 2020-2021

Karibe tabatin un aña aktivo pa loke ta trata elekshon. Den 8 di e 15 miembronan di CARICOM (Caribbean Community) tabatin elekshon. Ekonomia ku ta dekresiendo (sea pa motibu di di bahada den turismo òf preisnan di mineral i gas i zeta) tabata e tema sentral.

Belize, Guyana i Sürnam a konosé kambio di signatura. Na Belize, miembro di oposishon Johnny Briceño (n. 1960) ta gana di Dean Barrow, un sosialista ku a sinta 12 aña komo minister Presidènt i por konta riba 26 di e 31 asientonan den Parlamento. Belize a mira su entradanan di turismo baha drástikamente. Na Guyana, Irfaan Al (n. 1980) ta propiná David Granger ku a fungi komo Presidente di e pais di 2015-2020 ku un derota. Irfaan Ali ta e promé hefe di estado òf di gobièrnu Musulman den nos kontinente. Mester wak ainda ku si Sr. Ali ta sigi sostené Presidente Guaidó. Sürnam tambe a haña un kambio na momentu ku Chan Santokhi (n. 1959) keda elihí komo Presidènt na lugá di e populista outoritario Desi Bouterse ku pa 10 aña a goberná. Sr. Bouterse tabata e fanátiko mas grandi di Maduro den CARICOM i fiel na Beijing ku awor Sürnam debe USD sentenar di mión.

Den 5 pais no a bin kambio despues di elekshon. Saint Vincent and the Granadines (SVG) ta skohe Ralph Gonsalves (n. 1946) ku tendensia iskierdo pa di 5 biaha konsekutivo a base di su bista internashonal i un polítika kontra di hunga víktima (di kolonialismo i sklabitut) dunand’e 9 di 15 asiento den Parlamento. Taiwan lo por sigi konta ku sosten di SVG kontra China. Gonsalves tambe lo sigi sostené Presidente Maduro. Keith Rowly (n. 1949), sentro-derechista, ta keda elihí pa di dos biaha konsekutivo na Trinidad & Tobago (T&T). Su reto grandi ta keda e preisnan abou di gas i petroli. Sr. Rowley ainda ta mantené un polítika neutral pa ku Venezuela. Jamaica ta mira kon e konservativo, Andrew Holness (n.1972), a bolbe gana elekshon sigurando 49 di 63 asiento den Parlamento. Sr. Holness ta sostené Guaidó na Venezuela. Skerrit Roosevel (n. 1972), promé minister di Dominica for di 2004, ta kue 18 di e 21 asientonan di Parlamento. Roosevelt ku tur probabilidat lo sigui sostené Maduro di Venezuela. Na Saint Kitts and Nevis (SKN) Timothy Harris a keda inougurá pa di dos i último biaha komo Promé minister di e federashon. Meskos ku SVG, SKN ta sostené Taiwan i no ta rekonosé China. 

Na 2021 tambe lo tin basta aktividat na urnan den Karibe: Kòrsou, Cayman Islands, Aruba, Turks and Caicos i Saint Lucia. Ku eksepshon di Saint Lucia, e otro elekshonnan ta riba teritorionan LGO ku ta miembro asosiá di EU. Pero kisas igualmente importante ta ku na komienso di 2021 lo tin e Conference of the Americas ku lo por ta determinante pa e ròl nobo entre Karibe i Merka bou di presidensia di Joe Biden. Karibe mester di mas klaridat pa loke ta toka maneho di kambio di klima, ròl di China, correspondence banks i Venezuela. 

Willemstad, Kòrsou

Author: alexdavidrosaria

Alex Rosaria is from Curaçao. He has a MBA from University of Iowa. He was Member of Parliament, Minister of Economic Affairs, State Secretary of Finance and United Nations Development Programme Officer in Africa and Central America. He is an independent consultant active in Asia and the Pacific.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s