Norwega ta organisá “konferensia di prensa” ku mucha pa kombatí Covid-19

Resientemente un èks-kolega Norwechi a kompartí ku mi un inisiativa interesante i efektivo na su pais den kuadro di Covid-19.

Kada tantu luna mandatarionan Norwechi ta organisá un “konferensia di prensa”, òf mas bien un seshon di pregunta i kontesta ku un grupo di mucha di enseñansa básiko di 7 aña pariba (esta edat ku un hende ta kapas pa rasoná). Den e seshonnan ku ta keda transmití vao medionan oudio-visual, e muchanan ta liber pa trese nan prekupashon i preguntanan dilanti i ta haña kontesta di nan mandatarionan. E mandatarionan bou di guia di sikiátranan di mucha ta splika i kontestá den idioma komprendibel pa mucha.

Sektornan na Norwega ku direktamente ta atendé ku mucha a determiná kaba ku e inisiava ta unu èksitoso. Ademas, estudionan preliminar a mustra ku e seshonnan entre mucha i mandatario ta oumentá “nation building” i ta un aspekto importante pa krea konfiansa den demokrasia.

Hopi biaha informashon importante pa nos muchanan no ta yega direktamente serka nan pero via di un òf mas mayor. No ta tur biaha e informashon aki ta kontestá e preguntanan/prekupashonnan spesífiko di e mucha. En berdat ta un bon inisiativa pa laga e mucha direktamente trese su puntonan dilanti, prinsipalmente ora ta toka e pandemia Covid-19. Igualmente importante ta ku e kontestanan no ta paternalista ni “kleinerend”. Nos ta kopia esaki?

Willemstad, Kòrsou

Author: alexdavidrosaria

Alex Rosaria is from Curaçao. He has a MBA from University of Iowa. He was Member of Parliament, Minister of Economic Affairs, State Secretary of Finance and United Nations Development Programme Officer in Africa and Central America. He is an independent consultant active in Asia and the Pacific.

2 thoughts on “Norwega ta organisá “konferensia di prensa” ku mucha pa kombatí Covid-19”

  1. Alex, Mi ke sugerí lo siguiente: Laga nos purba set up *un revista literario-sosial mensual*. Mi ta sigur ku lo tin varios eskritor ku lo ke partisipá. PERO … nos mester planea e kos aki hopi bon, pa e ora ei nos aserká e potenshal ‘ *finansiadornan*’, kende ta pone nan atvertensia den e revista …. i tambe e eskritornan ku ta dispuesto di kontribuí regularmente, SIN wordu pagá, pasobra asina aki nan ta haña rekonosimento públiko via e lektornan. I …. kiko bo ta kere ku lo bai pasa ora un revista asina akí mira lus di dia? …. Radio emisoranan tambe lo ke partisipá. Laga nos sigui buska mas hende ku por ta interesá, pa nos sinta interkambiá riba e proposishon aki. Mi ta tende di bo.

    Kuida kurpa i ‘tot ziens’

    Jopi

    On Thu, Dec 10, 2020 at 3:10 PM Alex David Rosaria Blog wrote:

    > alexdavidrosaria posted: ” Resientemente un èks-kolega Norwechi a kompartí > ku mi un inisiativa interesante i efektivo na su pais den kuadro di > Covid-19. Kada tantu luna mandatarionan Norwechi ta organisá un > “konferensia di prensa”, òf mas bien un seshon di pregunta i k” >

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s