Awe, 14 desèmber 2020, 538 elektorado ku a keda eligí riba 3 novèmber 2020 ora Merka a bai urna, ta vota separadamente pa ken lo bira Presidente i Vice-Presidente.
Manera nos sa, elekshon Presidensial na Merka no ta direkto, sino indirekto, via di e 538 elektoradonan. (1)
Siman pasá tur 50 estado i Distrito Federal a seya nan resultado, pues ofisialisá e resultado di 3 novèmber 202o.
Den e votashon awe Presidente Trump tin ofishalmente 232 delegado i Presidente elekto Biden tin 306 elektorado. Den un mundu perfekto awe Biden lo haña 306 voto i gana elekshon i Harris tambe lo haña 306 voto.
Sa pasa sinembargo ku tin bulamentu di waya di e delegadonan. E kantidat sinembargo semper ta hopi limitá. E kantidat mas grandi di bulamentu di waya tabata 7. Pa Trump bira Presidente, 34 hende ku ta sostené Biden mester bula waya. Esaki ta kasi imposibel.
Awe e delegadonan di kada estado i Distrito Federal (DC) ta vota den nan estado i DC. E votonan ta keda mandá pa Kongreso (Kas di Representante i Senado) i ofishalmente. Den un seshon di Kongreso riba 6 yanüari 20121 dirihí pa Presidente di Senado, Mike Pence, ta konta e votonan. I si no tin sorpresa, esaki ta habri e kaminda pa Biden huramentá komo Presidente riba 20 yanüari, 12or di merdia.
Willemstad, Kòrsou
(1) Wak mi blog; “Asina’ki ta bira presidente di Merka”
ALEX, danki pa bo splikashon! Nos a sigui e resultado di e elekshon, ku Biden a gana. Si nos tabata Merikano, nos tambe lo a vota pa Biden. Kuida kurpa i ora bo ta na Korsou atrobe, bo ta semper bon-biní. Saludos di Wil i di mi e saludo di kustumber
BRASA OTROBANDISTA (NÒ “*otrobandido”) di*
Jopi
On Mon, Dec 14, 2020 at 12:31 PM Alex David Rosaria Blog wrote:
> alexdavidrosaria posted: ” Awe, 14 desèmber 2020, 538 elektorado ku a keda > eligí riba 3 novèmber 2020 ora Merka a bai urna, ta vota separadamente pa > ken lo bira Presidente i Vice-Presidente. Manera nos sa, elekshon > Presidensial na Merka no ta direkto, sino indirekto, vi” >
LikeLike
Danki Jopi. Saludo pa Wil i abo.
LikeLike