Kasi 2,500 aña pasá un maestro budista tabata kana huntu ku su disipulo den e region di Himayala. Ora nan a yega na un riu no profundo, pero ku un koriente fuerte, nan a mira un muhé ku miedu pa krusa bai e otro banda. E disípulo a kana pasa e muhé i i sin drei wak, rápidamente a krusa. E maestro a hisa e muhé i ku bastante difikultat a logra yega e otro banda. E muhé tabata gradesido i a kontinuá su kaminda. Mientras e maestro tabata kue rosea despues di e kruse, e a ripará ku su disípulo, silensioso, tabata wak’e ku menospresio. Nan a kontinuá nan kaminda i despues di mas ku 4 ora e disípulo no por a wanta mas i a èksplota puntrando: “Maestro, bo ta na altura ku ta prohibí pa mishi ku hende muhé?”. E maestro a kontesta: “Mi sa. T’ami mes a siñabo. Mi a kibra ku regla pa skapa e muhé su bida. Pero mi yu, ta 4 ora pasá ku mi a baha e muhé for di mi lomba. Dikon abo ta sigi karga su peso riba bo lomba”.
E historia ta un rekordatorio pa no keda pegá den pasado i sigi karga e peso di loke a pasa kaba i ku bo no por kambia. Saka lès di pasado pero no lag’é strobabo di biba bo bida i alkansá bo potensial.
Felis dianan di fiesta i kambio di aña.
Willemstad, Kòrsou
