Awe ta 70 aña outonomia (7 febrüari 1951 – 7 febrüari 2021)

Riba 7 febrüari 1951, 70 aña pasá, Gobernadó Leonard Peters den un reunion èkstraordinario di Staten a bisa:”Een nieuw tijdperk is thans voor de Nederlandse Antillen ingegaan [waarbij] de volle verantwoordelijkheid voor het inwendig bestuur naar U leden van de Staten wordt verplaatst. Van zijn eerste daden af [..] is straks de Regeringsraad van de Nederlandse Antillen aan U verantwoording schuldig”.

Ku esaki nos outonomia interno a bira un hecho. Ku esaki tambe a hasi posibel pa tene e promé elekshon pa Konseho Insular ku a tuma lugá riba 4 yüni 1951. Promé ku esei, riba 14 mart 1951, Eilandenregeling Nederlandse Antillen (ERNA) ta drenta na vigor pa regla desentralisashon di Antia Hulandes i repartí tareanan di gobernashon sentral (Regeringsraad) i gobernashon insular.

Ta un lástima ku hendenan ta keda ripití ku outonomia a keda introdusí na momentu ku Staüt a drenta na vigor riba 29 desèmber 1954. Statüt ta regla relashonnan den Reino, pero a bin después di Interimregeling.

Interimregeling (IR) tambe a trese un kambio grandi den balansa di poder entre di e islanan. Promé ku IR e repartishon/konstelashon di Staten di Antia Hulandes tabata 8 pa Kòrsou, 8 pa Aruba 2 pa Boneiru, 1 pa Saba, 1 pa Statia i 1 pa St Maarten. Ku introdukshon di IR e repartishon/konstelashon a bira: 12 pa Kòrsou, 8 pa Aruba, 1 pa Boneiru i 1 pa Islanan Ariba.

IR ku por sierto tabata e nòmber nobo pa nos konstitushon, a introdusí pa promé biaha un poder ehekutivo ku responsabilidat ministerial, esta Regeringsraad. Mr. dr. Moises Frumencio da Costa Gomez (Dòktor) tabata e promé Presidente di Regeringsraad, ku otro palabra e promé Minister Presidènt di nos pais. Promé ku Regeringsraad nos a konosé di 1949-1951 un total di 4 Colleges van Algemeen Bestuur.

Dòktor komo representante di Curaçaosche Roomsch Katholieke Partij i alabes representante di Gebiedsdeel Curaçao na Ulanda despues di guera, tabata instumental pa yega na IR.

Willemstad, Kòrsou

Historia di Nos Emansipashon Polítiko, Rosaria, A.D, 2007; Foto: Archivo Nashonal

Author: alexdavidrosaria

Alex Rosaria is from Curaçao. He has a MBA from University of Iowa. He was Member of Parliament, Minister of Economic Affairs, State Secretary of Finance and United Nations Development Programme Officer in Africa and Central America. He is an independent consultant active in Asia and the Pacific.

One thought on “Awe ta 70 aña outonomia (7 febrüari 1951 – 7 febrüari 2021)”

  1. Bunita i entresante, Sabiendo tur esaki. Mi no por kompronde kon un persona ku dignidad lo ke keda e produkto pa un systema krea, pa benefisia un otro pueblo, ku nunka lo bo wordu konsidera igual. Es mas komo produkto bo tin e tarea di sigi infekta otro pa no mira e zuur for di e mekanismo. #dalbudropkick

    Like

Leave a Reply to Eucer Cancel reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s