Bòikòt negoshinan ku ta laga trahadó ku no ke bakuná atendé ku kliente

Un dunadó di trabou por èksihí su trahadó aki pa tuma e bakuna kontra di Covid-19? Aparentemente no por.

Pues, parse ku un persona por determiná ku su konvikshon personal ta mas importante ku salubridat públiko. E palabra “públiko” kier men un kolektividat di individuo.

Ami ta kere ku si un dunadó di trabou por demostrá ku den su desishon pa obligá su trahadó bakuná, e a balansá eskoho di e trahadó ku ta ninga bakuna, ku interes di su negoshi, su klientenan i su otro trahadónan, su desishon lo keda honrá pa Korte. I te einan e kaso aki mester keda disidí, den nos Korte imparsial.

Mientras tantu nos komo konsumidó tambe tin un responsabilidat. Si ami sa ku den un negoshi tin un òf mas hende ku no kier bakuná, ami lo bòikotiá e negoshi aki i lo no gasta ni un sèn pretu pa kumpra ningun servisio òf merkansia. Ta bon pa identifiká e negoshinan ku ta laga nan trahadó keda sin bakuná i trese mi bida, bo bida i bida di su koleganan den peliger.

Willemstad, Kòrsou

Author: alexdavidrosaria

Alex Rosaria is from Curaçao. He has a MBA from University of Iowa. He was Member of Parliament, Minister of Economic Affairs, State Secretary of Finance and United Nations Development Programme Officer in Africa and Central America. He is an independent consultant active in Asia and the Pacific.

15 thoughts on “Bòikòt negoshinan ku ta laga trahadó ku no ke bakuná atendé ku kliente”

  1. Kompletamente di akwerdo.Mi tambe ta kere ku algemeen belang ta bale mas ku razonnan infundá pa no bakuná. Solamente si tin un razon mediko por hasi eksepshon.

    Like

  2. Si bo disidi di no bakuna, bo ta trese bida di otro hende tambe den peliger. Tambe bo no ta kopera pa nos trafiko di hende i ekonomia ta drecha bek. Pues bo ta asosial. Period! Hende ku NO KE bakuna mester wordu aparta i isola di otro hende ku si ke keda salud i bida.
    No vaccination, No service, No work, No hospitalization. Your choice.

    Like

  3. Mi ta puntra mi mes dikon ta purba kombati un malesa ku bakuna i no ku remedi? E virus ta dunabu un malesa anto bo kier kombati e malesa ku bakuna? Splikami kon e koi ta hinka den otro. Ami no ta mediko pero pensando logiko, malesa ta ku remedibta kombi’e, no ku bakuna. Bakuna ta despues ku e aradkia e malesa, awo nos ta ban protha kontra e malesa of e virus.

    Ku mi ta korda, ta despues ku a kombati i eradika e melsanan mane sarampi, sende paga, keintura hél, griep spañó etc. a bai traha bakuna kontra e malesanan ey tog? Of mi ta robes? Un hende por splikami e dos puntonan aki?

    Danki di antemano….

    Like

    1. Elvis simplemente pasombra no tin remedi pa kombatí e virus ku ta kousa Covid, tin solamente remedi pa trata e simptoma i trata di evita komplikashon kausa pa e virus. I by the way sarampi, sende paga, gele koorts i hopi otro malesa ta ku vaccin, bakuna a logra elimina nan serka ser humano. Bai bakuná pa bo próhimo!

      Like

  4. Un pregunta, e bakuna no ta protehabu 100% sino 95%. Boso ta bakuna damanan na estado? Boso ta bakuna mucha? Dikon no ta bakuna dama na estado ni mu ha? Splika esaki Meneer Rosario. Si boso no ta bakuna eseynan kon bo ke bai deskrimina un otro ku no kier bakuna? Esunanan ku boso no ta bai bakuna ta keda e risiko pa e sobra.

    Btw, e informashon ey ta bini di un microbiólogo. (No ta chupá foi dede)

    Bo ta bai ninganan servisio? Bo ta bai prohibinana drenta un negoshi.

    Anto otro kos, dikon mester sigi mantene tur regla di laba man, tene distansia, bisti mondkap, toke de keda, aglomerashon, samenscholongsverbod ku tur e minsa kuantu reglanan mas? Sr. Rosario, yiu got a lot of explaining to do.

    Danki.

    Like

    1. Ami no ta bakuná ningun hende. Tampoko mi tin posishon (den Gobièrnu) pa mi bisa dòkternan kiko nan tin ku hasi. Mi ta traha komo èksperto den proyektonan di Nashonnan Uní den 20 piku pais den Asia. Loke si mi sa: un persona ku no bakuná tin riesgo haltísimo pa pega ku Covid i muri; pa transmití Covid pa hende (ounke ku esaki ta bakuná lokual ta protehá 93%) i kousa morto i mas e virus keda “biba” mas variashon ta aparesé (manera Variashon di Brazil, di Sur Afríka, Inglatera i mas). Mas hende bakuná, e virus aki no tin kaminda pa bai (pasombra e mester di hende su kurpa pa e biba) i e virus ta desaparesé. Esaki a pasa ku e pandemia na 1918 ku yama Spanish Flu i ku na Kòrsou nos a yama Malesa di Kabouter ku a kousa 150 morto. E a desaparesé for di mapa.

      Like

  5. Kompleta mente eens.
    Si bo no ke Bacuna ok.
    Pero ami komo donjo di mi negoshi por bisa bo ku bo ta trese mi kliente i sobra werknemers nan bida den peliger.
    Dus taje it or leave.
    Case closed.

    Like

  6. Ami komo konsumidó/ kliente, mi tin derechi di kuestioná gerente di negoshi tokante ki sorto di hende (bakuná òf no) ta atendé ku mi kuminda/produktonan? Portá nos komo konsumidó tambe mester lanta i eksiguí pa nos salú wordu protehá, meskos ku nos ta verwacht ku tur hende ku ta atendé ku nos kuminda ta di keur door di GGD.

    Like

  7. Ami no por komprendé e motibu pakiko un persona ta nenga di tuma e bakuna. Kiko ta e motibu real pa un desishon asina? Tur e motibonan ku mi a tende té ainda ta basá riba nan kreensha den fake news. Mi no a tende un rason balido ainda. I esei mi tin problema ku né. Mi tin e impreshon ku hopi ta hasié djies pa zit de ander dwars. Ku ‘de ander’ mi ta konsiderá Gobiernu, nos èkspértonan i tur hende ku ta supliká nan pa bai bakuná. Falta di atenshon? Si ta nan derecho mi tin ku respetá pero di berdat mi no por komprendé ora ku bo ta tuma tur sorto di remedi, someté bo mes na operashon ku bo no sá kiko ta pasando kubo, sometebo na tratamentunan ku bo no tin idea kiko nan ta. Bo ta konfia plenamente den loke dokternan bisabo. Dikon awor ku nos tur ta dependé di otro nan ta nenga pa tuma e bakuna? Un hende por dunami un aklarashon bálido pa mi por komprendé e motibu di nan desishon??

    Like

    1. Mi ta kere bo mester kuminsa lesa mas. Y wak rond dibo p.e. kiko ta pasando anto ta hanja un idea dikon sierto persona ta disidi pa no tuma e bakuna. Mi ta mira jen komparashon ku tattoo, operashon, remedi ku bakuna di antes. Hasi un reasearch riba Spanish flue anto por ta bo lo kompronde. Btw, bo a tuma nota ku Influenza ‘no’ tabatey anja pasá? Unda ela bai? Of ela tuma pauze paso Corona tey? Hasi bo mes e preguntanan ey i bai buska nan kontesta……..

      Felis fin di siman.

      Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s