Despues di ‘hack’ ministerio, laboratorio i banko sentral, nos lo lanta fo’i soño?

Resientemente Banko Sentral (CBCS) a bisa di a bira víktima di un atake sibernétiko. Esaki ta un atake riba sistema i retnan di kompiuter ku e meta pa daña, distruí òf hòrta informashon. Banda di CBCS tin mas instansia ku ya a bira víktima. Manera mi a skibi na 2020, ta trata aki di ministerio di Maneho di Gobernashon, Planifikashon i Servisio Públiko ku ta responsabel pa Kranshi, estadístika, archivonan nashonal i Kolegio Elektoral (1). Pero tambe nos laboratorio médiko na múltiple okashon i otro instanshanan a keda ataká. Rònt mundu e víktimanan di atake sibernétiko pa miedu di daño di reputashon, ta keda ketu. CBCS afortunadamente a skohe un otro rumbo.

Atakenan den Karibe ta mas frekuente ku nos ta realisá. Bahamas i Sint Vincent & the Grenadines resientemente a mira kon nan datonan ofishal a keda ataká pa gruponan supuestamente mará na ISIS. Pa komprondé e eskala i gravedat di e problema, lesa Cyber security: Are We Ready in Latin America and the Caribbean? (2) publiká pa Organisation of American States (OAS) i Inter-American Development Bank (IDB). Pa kompliká materia, e guera frieu nobo den Karibe entre Merka, Rusia i China (3) ta responsabel pa loke ta keda yamá atake sibernétiko estatal. Estado Chines ta keda sospechá di usa e atakenan aki pa metanan ekonómiko (Road and Belt Initiative) i Rusonan ta mas dirhí riba influensiá prosesonan demokrátiko. Loke mas nos ta mira ta ku ta ataká un sistema, kue informashon i despues di pidi sumanan grandi di plaka ta hala atras.

Hopi di nos bisiñanan a lanta ‘task force’, buska koperashon internashonal pa kombatí ‘hacking’. For di 2017 mi a pidi pa akshon di nos parti(4). Ta di spera ku miembronan di Staten -ku sa ta kla pa yama reunion ora por trese broyo- por bin huntu pa atendé un di e mayo retonan den futuro. Tempu no ta na nos banda.

Willemstad, Kòrsou

(1) https://alexdavidrosaria.blog/2020/12/16/a-hack-un-ministerio-silensio-i-no-a-tuma-medida/

(2) https://alexdavidrosaria.blog/2020/01/06/curacao-govt-databases-hacked-a-reality-check/

(3) https://alexdavidrosaria.blog/2018/12/21/the-new-cold-war-in-the-caribbean/

(4) https://alexdavidrosaria.blog/2017/05/15/urgent-call-for-cybersecurity-taskforce/

Author: alexdavidrosaria

Alex Rosaria is from Curaçao. He has a MBA from University of Iowa. He was Member of Parliament, Minister of Economic Affairs, State Secretary of Finance and United Nations Development Programme Officer in Africa and Central America. He is an independent consultant active in Asia and the Pacific.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s