Mas morto dor di COVID na Kòrsou kompará ku grip Spañó 100 aña pasá

Te ainda 158 hende a muri na Kòrsou di COVID. Grip Spañó (òf Kabouter aki*), ku manera COVID tambe ta un virus kontagioso respiratorio (influenza), a mata 142 hende na Kòrsou na 1918.

Segun De Geneeskundige Organisatie in de Kolonie Curaçao, 23 òktober 1919, un total di 100 hende a muri na Punda/Otrobanda, 14 na Santa Rosa, 22 na Santa Maria i 6 na Barber pa un total di 142 pa motibu di Grip Spañó. Mester remarká ku sigun Direktor di Servisio di Salubridat, dr. Nathaniel Waterman, e tempu ei no tabatin obligashon pa informá ora un persona fayesé, loke por a influensiá e sifranan. Un echo ta ku Koloniaal Verslag 1919 a hasi menshon di un kantidat apnormal di redukshon di nos poblashon.

E grip Spañó a kue tur hende na mundu for di base i èkspertonan a realisá ku mester traha riba un bakuna, prinsipalmente ora e Grip Spañó a kambia i produsí un variante mas mortal. Grip Spañó ku a mata desena di mión di hende na mundu a pone ku èkspertonan a start búskeda di un bakuna kontra di e diferente tiponan di influenza.

Awe ku tin un bakuna, COVID a bira mas bien un pandemia ku ta keda na bida pa esnan ku no ke bakuná. E hendenan aki ta muriendo, infektando otro, kousando tristesa den muchu hogar. Ademas, e pandemia ta kosta nos miónes na gastu inesesario den salubridat (ku lo subi premi), e ta stroba akseso na kuido di hende malu i ta responsabel pa dekresementu ekonómiko, oumento di desempleo i problemanan mental.

T’esaki ta e preis ku ami i miles di YDK mester paga pasombra nos si a asumí nos responsabilidat individual i kolektivo?

Willemstad, Kòrsou

* https://alexdavidrosaria.blog/2020/04/12/awe-ta-coranavirus-pero-100-pasa-e-infekshon-kabouter-a-mata-hopi-hende-aki/

Author: alexdavidrosaria

Alex Rosaria is from Curaçao. He has a MBA from University of Iowa. He was Member of Parliament, Minister of Economic Affairs, State Secretary of Finance and United Nations Development Programme Officer in Africa and Central America. He is an independent consultant active in Asia and the Pacific.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s