E drama di dispidimentu di kuminda


Riba 29 di sèptèmber 2021 mundu ta opservá International Day of Awareness of Food Loss and Waste (Dia Internashonal di Konsientisashon tokante Dispidimentu di Kuminda).

Algun sifra.
Nashonnan Uní ta kalkulá ku tur aña un terser parti di tur kuminda ku keda produsí, esta 1.3 mil mión tòn ta desaparesé den kliko òf ta daña. E kosto di e desperdisio aki ta rònt di Naf 2.000.000.000.000 anualmente. E problema mas grandi ta ku ta trata di kuminda ku no a yega serka esnan ku tin mester.

Ademas, e impakto di desperdisio di kuminda riba nos medio ambiente ta otro prekupashon. Mas desperdisio kier men ku mas produkshon di kuminda ta nesesario kompará ku si no tabata dispidí. Esaki kier men mas uso di awa, tera ku ta nesesario i tambe, ménos ‘food security’. Kuminda ku putri ta kousa gasnan ku tin efekto negativo riba nos medio ambiente. I no papia mes di infestashon di sièrto animal i malesa.

Kousa prinsipal di desperdisio ta nos komportashon i atitut komo konsumidó pa ku kuminda. Nos porshonnan ta eksaherá, nos ta kumpra sin planifikashon. Mester bin kambio den esaki. Estudionan a demostrá ku kambionan chikí manera planifikashon di kiko ta kushiná i mester kumpra semanalmente ta redusí despidimentu. Tambe ta yuda un sistema di midi bo ingredientenan i un bon lugá pa wardanan pa evitá ku nan ta daña lihé.

Klaro ku tin mas kousa pa desperdisio. Falta di transporte efisiente, kordinashon den e kadena di produkshon, distribushon i benta. I mas ku nunka, falta un direkshon di gobernashon. Ta di spera ku den e komishon(nan) ku a lanta pa kambio di klima, e aspekto di desperdisio lo keda inkluí. Desperdisio di kuminda ta afektá nos saku, nos seguridat alimentisio, nos salú, polushon i medio ambiente.

Bo ke sa mas? Wak e siguiente ’link’:

https://fao.zoom.us/webinar/register/WN_gHCImF-QS52w1lYrAVWjQA

Dallas, Texas

Author: alexdavidrosaria

Alex Rosaria is from Curaçao. He has a MBA from University of Iowa. He was Member of Parliament, Minister of Economic Affairs, State Secretary of Finance and United Nations Development Programme Officer in Africa and Central America. He is an independent consultant active in Asia and the Pacific.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s