Dia di Outonomia. Serio?

Awe mi a haña di un Parlamentario un mensahe di bon deseo di awe, 10-10-21, komo “Dia di Outonomia”. Serio? Yama 10-10 “Dia di Outonomia” ta muestra di ignoransia di nos historia emansipatorio. Ta bon pa e Parlamentario i tur esnan ku ta bou di impreshon ku e fecha di awe tin ke ber ku outonomia, sa ku riba 10-10-10 Antia Hulandes a keda desmantelá. Riba 10-10-10 nos no a haña outonomia. Nos a haña outonomia riba 7 febrüari 1951 ku introdukshon di un Konstitushon nobo. Gobernadó Leonard Peters den un reunion èkstraordinario di Staten a para ketu na e akto aki bisando:”Een nieuw tijdperk is thans voor de Nederlandse Antillen ingegaan [waarbij] de volle verantwoordelijkheid voor het inwendig bestuur naar U leden van de Staten wordt verplaatst. Van zijn eerste daden af [..] is straks de Regeringsraad van de Nederlandse Antillen aan U verantwoording schuldig”. Riba 15 desèmber tampoko ta dia di outonomia, sino Dia di firmamantu di Statüt. Statüt a konsolidá i perfekshoná nos status outónomo di 1951. Statüt a drenta na vigor riba 29 desèmber 1954. Riba 10-10-10 Kòrsou a bira outónomo den Reino despues ku for di 1951 e tabata outónomo den bachi di Antia Hulandes (AH).Bo ke selebrá 10-10? Yamé Dia di Desmantelashon di Antia Hulandes. Yamé Dia di Kòrsou Outónomo den Reino. E no ta “Dia di Outonomia”.

Boise, Idaho

Author: alexdavidrosaria

Alex Rosaria is from Curaçao. He has a MBA from University of Iowa. He was Member of Parliament, Minister of Economic Affairs, State Secretary of Finance and United Nations Development Programme Officer in Africa and Central America. He is an independent consultant active in Asia and the Pacific.

One thought on “Dia di Outonomia. Serio?”

  1. interesante pa sa tokante e fecha pa autonomia di Antiya na 7 feb 2051. Korsou for di e tempu ei den un banchi mas amplio a goza pues di un forma kolektivo di un autonomia. Ami mes ta bou di impreshon ku awe 10-10-2010, “dia di autonomia di Korsou den reino hulandes”. Mi ta kere ta bon pa defini ku autonomia spesifiko di Korsou ta pafo di e banchi Antiyano. Ta bon pa tene observashon i evaluashon latente di e status aktualisa di islanan den e kondishon nobo, e kontenido ta elemental pa tene e objetivo bibu. Interesante kolumna (y)

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s