Promé ‘noodwet’ (1940-1944) kompará ku awe

E promé biaha ku den nos demokrasia ta duna gobernashon (Bestuur) poder eksepshonal tabata durante di Dos Guera Mundial (WWII).

Riba 10 mei 1940, Gobernadó Wouters ta proklamá: “Kòrsou komo parti di Hulanda tambe ta den guera ku Alemania i ta prepará pa kualkier eventualidat”.

Separadamente ta proklamá ku Bestuur tin poder di sensura pa tuma akshon ora ta nesesario pa no peligrá pais eksponiendo informashon (militar) sensitivo òf insultá aliadonan. Ta instalá un Biezondere Rechtbank pa atendé ku e poder ekstraordinario di Bestuur, lesa Prokuradó General (PG). Infrakshon tabata karga un kastigu máksimo di un (1) aña den prizòn òf multa di Naf. 600.

Ta nombra Eduard Elias komo e Sensuradó i Hefe di Servisio di Prensa Gubernamental. Sr. Elias, periodista Hulandes, tabata na Mexico ora guera a start i a buska refugio na Kòrsou. Apesar di su funshon, e tabata un figura paternal, simpátiko i respetá, tambe pa prensa. E tabata biba den Prinsenstraat i semper tabata frekuentá café Lido (Gomezplein) òf d’Orient (Handelskade).

Sensura a konosé varios etapa durante WWII. Den komienso e tabata amplio i tabata kubri prensa, tur kos imprimí, radio, yamada telefóniko, komunikashon verbal òf gráfiko, potrèt i trahamentu di pelíkula. Tur karta tabata suheto na sensura. Pues, habri, lesa i kambia e kontenido. Ora Gobernadó Kasteel riba 15 yüli 1942, remplasá Wouters, ta flèksibilisá sierto aspektonan di sensura.

E medida di eksepshon a drenta na vigor durante e mandato di nos promé Staten (1938-1941). E frakshon mas grandi, Curaçaosche Roomsch Katholieke Partij di dr. Moises da Costa Gomez, a sostené e lei: “nos no ta biba den tempu normal, sino den WWII”. Mas leu Staten a mira e lei komo un deber patriótiko pa defende nos pais: “Verder is het aan te bevelen, dat de goede vaderlanders zich steeds voor ogen houden, dat het hun plicht is met het wettig gezag samen te werken”. Interesante tabata e pasashi ku un pais demokrátiko mester ankra e eksepshonnan den lei i no hasi manera diktadornan: “[…] niet als in een dictatuurland: onder het gezag zuchtend verplicht te worden. Hoe beter deze samenwerking [tussen het Bestuur en het volk] is, des te eerder ook de vijand verslagen zal worden.” 

E koperashon entre Bestuur i Staten tabata bon, ounke ku Parlamentarionan tabata vigilá skèrpi pa Bestuur keda imparsial, no-arbitrario, i no hasi uso desporposhonal di e instrumèntnan di sensura.

No tur biaha kos a kana bon. Bestuur a atmití sierto fayonan deklarando: “Al doende leert men”. Sinembargo e akusashon di un korant katóliko, ku e sensura tabata mas pisá pa katólikonan (Elias tabata Hudiu), no a keda probá.

Den e fase mas flèksibel tur kos ku mester a keda imprimí tabata bai serka Sr. Elias ku ta konsehá si mester trese kambio òf no. No tabata obligatorio sigi su konseho, pero PG tabatin e derechi di bai Biezondere Rechtbank. Ademas tabatin un sensura riba aspektonan militar ku tabata keda ehekutá pa e Luitenant ter Zee.

Medio 1944, sensura ta desaparesé i Sr. Elias ta bai traha na Londres. Un kapítulo teribel ta sera. E legado di e era -ku klaramente nos por nota den vários ekspreshon kultural di e tempu- tabata unu di sakrifisio i patriotismo i no di víktima. Kompará ku presente, ta remarkabel kon madurá nos outoridatnan i Parlamentarionan -laborando den un demokrasia yòn ku apenas a start na 1938- a aktua den atversidat. Tempu a kambia, pero madures, sentido di responsabilidat ta keda elementonan esensial den un demokrasia.

Willemstad, Kòrsou

Fuente: vários publikashon di Archivo Nashonal, KB, nationale bibliotheek i korantnan Amigoe di Curaçao i Beurs -en Nieuwsberichten

Lès di e Lei di Eksepshon

E lei di eksepshon a lanta hopi stòf den nos komunidat.

Pa ami, den e mundu kompleho ku nos ta biba aden, nos mester tin leinan pa situashon èkstraordinario i eksepshonal. Esaki no tin ke aber ku Kòrsou ta chikí òf no; nos tambe ta parti di e mundu aki. Un realidat ta ku hopi kos ku ta òf por bira nesesario den un kaso èkstraordinario no ta ankrá den leinan konvenshonal di nos pais. 

Ta sumamente importante sinembrago ku den un lei di eksepshon, tin múltiple ‘checks’ di parti di nos institutonan demokrátiko, prinsipalmente Parlamento i Korte i tambe un bon ‘balance’ entre di nos derechinan konstitushonal i e poder eksepshonal ku Gobièrnu ta haña den kasonan eksepshonal.

Hopi pais demokrátiko na mundu tin un òf otro forma di e lei di eksepshon ku ta i a funshoná manera mester ta. Dikon aki na Kòrsou e lei aki a konta ku tantu resistensia? 

Demokrasia meskos ku un sistema monetario, den sièrto sentido, ta basá riba konfiansa. Aki no tin konfiansa. Nos pais, siendo un demokrasia parlamentario mester na di promé lugá tin un Parlamento fuerte ku ta manifestá su mes ku Parlamentarionan kapas i íntegro. Anto esei nos no tin. Nos ta mira ku kada biaha di nobo pueblo ta vota pa partidonan ku ta pone Miembronan di Parlamento ku no tin sikiera e ‘denkvermogen’ i integridat nesesario pa hasi e trabou di tantu responsabilidat aki. Komo konsekuensia hopi hende no ke konfia Parlamentarionan ku e lei poderoso di eksepshon. 

Mi no por tuma nan na malu. Nan tambe ta kòrda kon resientemente tabatin dos Parlamento den nos pais, kon un minister Presidènt ku a keda bahá no kier a sali foi Fòrti, kon miembronan di Staten a sera kabes pa no laga un kolega huramentá, kon un minister ku a bisa ku lo no bin elekshon mientras lei tabata bisa otro i un otro ku a deklará ku siendo minister su negoshinan mester por benefisiá di su posishon den Fòrti. 

Nos a yega asina leu ku no ta konfia nos mes hendenan pa atendé ku nos tareanan outónomo. Esaki ta e konsekuensia di nos voto. Mientras partidonan polítiko keda pone hende inepto riba nan listanan i nos keda vota pa nan, nos lo hasi e krísis di konfiansa ahinda mas grandi. I esaki ta e motibu prinsipal ku e opshon di munisipio di Hulanda kada biaha ta bira mas atraktivo pa hopi hende.

Den un otro artíkulo lo mi amplia riba kon por hasi e ‘checks and balances’ den e lei aki mas skèrpi. Algu ku ta nesesario den e entorno di deskonfiansa grandi ku ta èksisiti.

Promé ku tur kos mester laga e stòf i emoshonnan baha ounke kuantu polítikonan ke kompará nos ku Gestapo òf Idi Amin Dada. E lès ku mester saka for di e episodio aki ta ku ta e manera di hiba polítika ta pone ku no tin konfiansa at all den nan i nos institutonan demokrátiko. Esaki, den un situashon di krisis i un mundu turbulento kaminda konfiansa entre pueblo i su gobernashon mester ta saludabel.

Willemstad, Curaçao

Do we need a fist-banging leader?

Yesterday I bumped into someone who has long been involved in party politics. We made small talk in the beginning but ended up discussing our country’s future. He stated that we needed a leader “who’s not afraid to pound his fist on the table to scare people into getting things done”. It made me think of the late Soviet leader, Mr. Nikita Krushchev, who during the 1960 UN General Assembly got so furious at the Philippines delegate that he started pounding the table with both fists and when that didn’t get him the results he had expected, he took off his shoe and used it to continue banging. The next day Mr. Khrushchev apologized to everyone, especially to the Philippines.

Do we need an authoritarian table-banging leader for things to improve?

Leaders (especially the table-bangers) always hold a position of power or authority. Not necessarily in politics but also in religion, labor unions, village chieftainship, and what not. These leaders want to sell us what they want or have to sell. How many times haven’t we seen cabinet members on stage with a microphone, pacing in front of flashy powerpoint presentations selling their 12-point blueprint for a brighter future? They always tell you about their products and why we need them.

We also have those who lead. These people are more than often not in a position of power. They don’t aim to sell to people who need what they sell. People who lead usually are interested in selling ideas, dreams and telling others not what they do, but why they do it. When France was in a dip in the 80s, its president invited the most talented French artists, not economists or accountants, to the Élysée for inspiration. This meeting led to Les Grands Projects that made France dream again. These leading artists inspired and moved the French leader.

That’s why Sojourner Truth, Ain’t I a woman?‘ (1851) and Malala Yousafzai, Worldwide Access to Education’(2013) will forever be remembered as the best examples of inspiring stories ever told. I recommend you to listen or read the transcripts of these gems. 

Ever wondered why Martin Luther King went with the title I have a Dream’ and not I have a plan? He told people about his grandiose dream and how much he believed and why he believed. And people who believed what he believed took his cause, and made it their own.

More than 70 years ago a local party suggested we needed a a local Sukarno, the autocratic Indonesian president who later had his hand-picked parliament appoint him president for life. That party was at odds with its main opponent at the time, Dr. Moises da Costa Gomez, probably the most inspiring Statesman we’ve ever had. He was considered soft, diplomatic and probably not much of a table-banger. In the end though, it was Mr. da Costa Gomez who realized our autonomous status. 

Question: do we want the Nikita Krushchevs and Sukarnos in the world or be inspired by those who lead?

Willemstad, Curaçao

E último lunanan di bida di Dòktor

Mi ta kuminsá na e final.

Mr. dr. Moises Frumencio da Costa Gomez (Dòktor) ta muri riba 22 novèmber 1966, mas o ménos 9 or di mainta, di un atake di kurason. E ta muri na su kas mientras e tabata prepará pa un sita serka su dentista i algun reunion polítiko. Segun su hendenan mas yegá, e tabata optimista. Apenas 10 dia promé e a sali for di hospital kaminda e tabata interná for di 4 di òktober 1966 pa un infekshon di pulmon hopi grave i e kier a dediká su atenshon na un seri di malkontentu, kiebro i traishon den e partido ku e a funda na 1948, Partido Nashonal di Pueblo (PNP).

Algun aña pasá riba un 22 novèmber dilanti di e busto di Dòktor na Bottelier, un oradó na okashon di konmemorashon di morto di Dòkter a bisa: “Shonnan, wak e busto mi tras, mira kuantu doló tin den e kara di Dòktor.” Awor, mi no sa si embèrdat e artista Italiano ku a traha e busto konsientemente kier a krea un ekspreshon di sufrimentu den kara di Gomez, pero e oradó tabatin rason.

Dòktor a konosé un seri kontratempu den e di dos parti di su karera polítiko. Riba 15 novèmber 1954 PNP ta gana elekshon di Staten, pero Partido Progresivo Boneriano ta bira lomba p’e ku konsekuensia ku e no por forma un gabinete Antiano i no por firma Statüt ku tabata su kreashon. Tambe durante e mesun aña ei Dòktor a konosé su promé “coup” interno ora abiertamente un grupo liderá pa Sr. Lodowika a kuestioná su maneho di partido. E siguiente “coup’ a bin na 1958 ora un grupo rebelde konsistiendo di Srs. Abbad, Lauffer i Dip a kombensé sufisiente lider di bario pa bah’é komo Presidente di PNP. Djis promé ku vota, Dòktor ku un elokuente diskurso ta logra kombensé e lidernan di bario pa kambia di opinion. 

Mi ta duda ku e slanan aki por a prepará Dòktor pa loke a transkurí durante su último lunannan di bida.

Durante di e elekshon di Staten na yüni 1966, e kombibashon di lista PNP/COP (Curaçaose Onafhankelijke Partij) liderá pa Dòktor, ta pèrdè elekshon ku Partido Demokrat. Promé ku esaki nunka PNP a pèrdè elekshon. Tabata un sla duru pa Gomez. Apenas 3 dia despues di e derota, un grupo di rebelde liderá pa miembro di Staten pa PNP, Sr. Torres, ta organisá un “coup” i ta baha Dòktor komo Presidente di partido. E rebeldenan ta kulpa Dòktor pa e derota elektoral. Algun luna anterior, Srs. Evertsz i Jesurun hustamente pa malkontentu ku maneho di Gomez, ta bandoná PNP i lanta Union Reformista Antiyano (URA). Direktiva Torres ta keda instalá riba 11 di yüni 1966. Pa promé biaha den historia di PNP Dòktor no ta Presidente mas. Gomez no ta rekonosé Direktiva Torres.

Despues di yama dos reunion i tres ròndu di votamente, Dòktor ta logra forma su mes direktiva riba 19 yüni 1966. I klaro ku Direktiva Torres no a rekonosé Direktiva da Costa Gomez. Na algun okashon Dòktor a trata na raya esnan konsiderá komo “rebelde”, pero esaki no a logra pa falta di sosten di lidernan di bario.

Durante un reunion riba 18 sèptèmber 1966 Gomez a purba un di tres biaha pa raya e “rebeldenan”. Esaki atrobe ta frakasá. Ademas e reunion ta baha Direktiva Torres i Direktiva da Costa Gomez i ta instalá un “cuerpo di urgencia” bou di liderasgo di Sr. Rodriguez ku e meta pa den un periodo kòrtiku organisá un elekshon pa un direktiva nobo. Riba 25 sèptèmber ta logra instalá un direktiva nobo den kua tantu Torres komo da Costa Gomez ta representá.

Durante e periodo aki a bira dolososamente opvio ku Gomez a pèrdè sosten di Obispado, prinsipalmente na momentu ku e sekretario di Obisbu, dr. Micklinghof, un fiel sostenedó i defensor di Dòktor, ta bandoná Kòrsou.

4 di òktober 1966 Dòktor ta keda interná ku un kaso grave di infekshon pulmunario. Pa un temporada largu e no por a ni risibí bishita. E ta kumpli aña riba 27 òktober den hospital.

E situashon tenso no ta plakia, ni sikiera ku Dòktor den hospital. Sr. Torres ku mientras tantu a lanta fundashon Fondo di Desarollo Social ta keda lansa krítika riba e grupo pro-Gomez. E problema prinsipal segun e grupo kontra Gomez ta akumulashon di poder den partido i prinsipalmente e manera diktatorial ku e tabata atendé ku poder. Riba 9 di novèmber 1966 e “rebeldenan” di grupo Torres ta sali for di PNP i lanta nan Partido Accion Social Progresista.
Remarkabel ta ku Dòktor a lanta PNP na 1948 hustamente pasombra e tabata haña ku den e partido ku e tabata, esta Curaçaosche Roomsch Katolieke Partij, tabata anda di manera masha outoritario. Historia ta ripití pues.

12 di novèmber Dòktor ta sali for di hospital i e siguiente siman e ta reanudá su trabounan. Banda tur e problemanan deskribí aki riba, Dòktor tabata sumamente prekupá ku e elekshon pa Konseho Insular (KI) programá pa promé mitar di 1967. E kombinashon PNP/COP a gana elekshon di KI na 1963 ku 12 asiento i tabata forma Bestuurscollege su so. E Bestuurscollge liderá pa Dòktor te ku 13 sèptèmber 1966 (na momentu ku e a baha komo Diputado pa asina tuma asiento den Staten) tabata sumamente impopular. Dòktor tabata teme pa un pèrdida grandi na 1967 meskos ku tabata e kaso na 1966 (elekshon pa Staten), lokual a bira un realidat tambe. Elekshon di KI na 1967 a mira e asientonan di PNP/COP bai di 12 pa 6. Pero ya e a bai sosegá i no mester a pasa den otro doló.

Willemstad, Kòrsou

Corruption wants our silence

When I worked for the United Nations (UN) in Nicaragua I often went with two or three colleagues to visit the projects we were funding in Nueva Segovia, a mountainous region in the north, close to the border with Honduras. I was project manager. Our presence was necessary for the continuation of financing in these hard-hit communities. These projects started just after the war between the US-backed right wing Contras and the marxist Sandinistas had ended. Travel by road from the capital to this region is long and bumpy. 

During my first trip we were stopped at a roadblock, 100 kilometers or so from our destination, by members of the national police or, at least they had the police uniform on. They told us that there had been incidences of violence in the region by insurgents and that it was recommended they accompany us. Courtesy to a UN mission? No. These policemen expected to get paid for protection. The question we had to answer for ourselves was: do we pay the police and get protection? Or do we not pay and risk getting ambushed during the last part of our trip by these disgruntled guys (or their accomplices) because we didn’t give any money? A quick radio contact with my superiors followed. One of my local colleagues paid off the police (equivalent of USD 20). Back at the UN office he was reimbursed for “unforeseen expenses”. 

I wish my story had ended with how I single-handedly brought about changes in how business with the police was conducted in this particular Nicaraguan region. This was not the case. It still bothers me that I was too indifferent. The fact that the UN Convention on Corruption was still not adopted, is not a good argument either for not doing something. I wished I had raised my voice.

The simple truth is that corruption is a system. It’s like oxygen. It flows everywhere in our societies and it infects everybody it touches. Probably no independent auditor ever noticed or paid attention to the projects’ unforeseen expenses. This got lost in the bigger picture, national reconciliation and resolving the problems of displaced persons due to war. However, corruption is not a victimless crime, in whatever shape or form it may manifest itself. Corruption protects power and privilege. 

I bet that almost everyone who reads this article will say that they are not corrupt. Yet, should this be about a simple binary choice between you being corrupt and a non-corrupt? It shouldn’t be. Let’s face it, being non-something is not enough. 

Corruption wants to stay invisible. We need to expose it whenever we recognize it. Corruption wants our silence. We need to speak up and make noise. Corruption wants our apathy, We need to get beyond the thinking that one person only cannot make a difference. I’m sure that people like Mahatma Gandhi, Siddharta and Nelson Mandela were told that many times by others. We need to make a commitment to use our voice and power to fight for integrity and transparency. What kind of powers do we have at our disposition?
Voting power. Use your vote wisely to fight for justice and integrity. This means that we need to stop voting for those who have proven by their actions to be corrupt or even have been caught and jailed for corruptive actions.Yet, too many voters don’t seem to care, or maybe think they’ll be able to also gain illicitly. Let’s not forget that only you can empower these corrupt Members of Parliament. Without your vote they cannot get a seat. 
Spending power. You can decide where you spend your money and what we spend it on. Become a conscious consumer, and make a statement with your wallet by not spending your money on a corrupt person, businesses and what not. 

No justification for corruption is valid for it takes resources away from those who need it most. I’ve shown with my Nicaragua experience that being non-corrupt individually is not enough. We need to be actively non-corrupt. When you think of it, each individual has more power that he or she is aware off.

Willemstad, Curaçao

This article was written for Kòrsou Transparente

Kon konfiabel nos datonan ta despues di hacking na 2019?

Eksaktamente un aña pasá ministerio di Maneho di Gobernashon, Planifikashon i Servisio Públiko (BPD) a keda di “hack’. Esaki ta e ministerio ku ta responsabel pa entre otro Ofisina Sentral di Statistik di Estadístika (CBS), Archivo Nashonal, Rekurso Humano i Kranshi.

Hacking ta un atake via internèt riba data i informashon digital. Hackmentu por enserá entre otro eliminá, manipulá, añadí dato i konsekuentemente komprometé integridat di dato i informashon relevante.

Djis nos ta bai urnai te ainda Fòrti no a deklará kiko a pasa aña pasá, si a logra identifiká e kulpabel(nan), kua dato a keda komprometé, si a a tuma prekoushon pa no tin ripitishon i prinsipalmente kon konfiabel nos sistema di dato ta prinsipalmente den bista di elekshon binidero.

Banda di esaki tin un otro peliger. Nos atministrashon di adrès di hende ta desastroso. Ya mi a mustra ku tur hende por bai Kranshi i inskribí na kualkier adrès. Abo ku ta biba na Kaya XYZ # 14 ta yega Kranshi i bisa ku bo ke kambia adrès i bo ta inskribí na mi adrès, Kaya NYY # 27. Esaki, sin ku mi ta na altura òf a duna pèrmit pa hasié. Kranshi ta hisa buta i no ta hasi ningun pregunta i no ta pidi pa prueba di mudansa (e.o. kontrato di hür, akta di kompra).

No ta un sorpresa ku un kantidat grandi di biyete di voto ta keda entregá na adrèsnan ku no ta kuadra loke lógikamente ta pone ku un kantidat di hende ta keda sin bai urna. Pa kambia esaki aparentemente no mester di lei nobo. Simplemente mester trese kambio atministrativo pa evitá e “wild west” ku adrès.

Ta di spera ku nos ta tuma e asuntunan aki na serio. Nos demokrasia no por funshoná manera debe ser si nos no atendé ku nan.

Willemstad, Curaçao

https://alexdavidrosaria.blog/2018/12/06/bo-sa-ken-ta-registra-na-bo-adres/

https://alexdavidrosaria.blog/2020/01/06/curacao-govt-databases-hacked-a-reality-check/

Ken tabata Dòktor?

Den kuadro di Dòktor su fecha natal 113 aña pasá, mi ta dediká algun artíkulo na e gran hòmber aki. Komo Presidente di Fundashon mr. dr. M.F. da Costa Gomez mi ta haña importante pa tene su legado na bida i alsa Dòktor komo un figura ku no ta mará na polítika partidista, sino un éroe di nos tur.

Moises Frumencio Bikker a nase na Ser’i Klip den Otrobanda riba 27 òktober 1907. E tabata e di tres yu di Pedro da Costa Gomez (Shon Pedro) i Braulia Bikker. Despues e famia ta keda ampliá ku 5 yu muhé i un yu hòmber. Durante di e promé añanan famia da Costa Gomez/Bikker a biba na bários adrès den Otrobanda, pa despues muda bai Penstraat. Braulia Bikker tabata ama di kas, miéntras ku Shon Pedro tabata negoshante i tambe e tabata atministrá e korant “Boletin Comercial”.

Moises a terminá 8 klasnan di skol básiko i MULO di St. Thomas College. E tabata hunga futbòl, tabata gusta spar tur tipo di piedra di koló i tabata interesá den piedranan presioso. Esaki a pone ku semper a kere ku Moises lo a bira un hoyero. Ku 15 aña di edat e ta bai Ulanda i ta bai biba serka fraternan na Tilburg pa sigui enseñansa. Djis promé ku e bai Ulanda Moises i su rumannan ta keda rekonosé pa Shon Pedro i ta haña e fam da Costa Gomez. Despues di Tilburg e ta bai Nijmegen (1923) kaminda na Canisius College e ta keda formá bou di guia di Hesuitanan. Na Nijmegen e tabata bria komo studiante i tabata gana premionan di e mihó alumno den Ulandes, Latino i Griego. Despues di eksamennan final di Gimnasia e ta sigui su estudionan di lei na e Universidat Katóliko di Nijmegen. E ta optené su diploma di kandidato denter di un aña di tempu i despues na 1929 ta sigui e eksamen doktoral.

Komo hurista e ta traha komo supstituto griffier na Den Haag. Na Nijmegen e la traha kasi tres aña komo abogado i prokurador. Durante di e tempu aki e ta será konosí ku su promé kasa, Elisabeth (Lies) Heiling. For di e matrimonio ta nase dos yu muhé. Na 1962 e ta kasa na Venezuela ku Lucina Matheeuws. E matrimonio aki no ta produsí yu.

Riba 3 di desèmber 1935 Dòktor ta promové na Universidat di Amsterdam ku su tésis “Het wetgevend orgaan van Curaçao: Samenstelling en bevoegdheid bezien in het kader van de Nederlandsche koloniale politiek”. Inmediatamente despues e pareha da Costa Gomez ta subi barku i ta yega Kòrsou riba 31 desèmber 1935.

Apénas despues di tres siman na Kòrsou, Dòktor ta ko-funda Curaçaosche Roomsch Katholieke Partij (CRKP), Nederlands Antilliaanse Ambtenarenbond i R.K. Arbeidersbond di kua e ta bira sekretario. Komienso di febrüari 1936 da Costa Gomez ta kuminsá su karera komo sirbidó públiko den funshon di adjunct-commies na Parkèt i tambe sekretario di Komishon Hurídiko.

Da Costa Gomez na komienso di febrüari 1936 ta envolví su mes den un wèlga riba tereno di refineria i ta skohe p’e banda di e trahadónan. Kòrtiku despues Gobernadó van Slobbe ta manda Dòktorbai traha na Sint Maarten. Despues ku e siguiente aña van Slobbe a baha, Gobernadó Wouters, ta laga da Costa Gomez regresá su isla natal. Dòktor ta keda promové komo adjunct-commies ter Griffie, despues commies, substituut griffier i griffier di Hof. Na 1944 e ta bira hefe interino di Departamentu Soshal i Asuntunan Ekonómiko.

Den e promé elekshon pa Staten, da Costa Gomez ta keda skohé komo miembro di Staten di Kòrsou i ta bira lider di frakshon di CRKP.

For di 1944 a bira opvio e kiebro entre Dòktor i CRKP pa motibu ku iglesia no tabata kontentu ku e (velosidat di e) su ideanan di emansipashon. Na 1948 e ta sali for di e partido aki i ta funda Partido Nashonal di Pueblo.

Da Costa Gomez ta bira miembro di Raad van Advies ekstraordinario di Ulanda na London. Na 1946 Dòktor ta enkabesá un delegashon ku ta bai Ulanda pa hasi un petishon pa outonomia. Di 2 aprel 1947 te 3 desèmber 1948 da Costa Gomez ta traha na Ulanda komo e promé Representante di Antia Ulandes na Den Haag (awe Minister Plenipotensiario). Na 1948, 1952 i 1954 da Costa Gomez tabata presidente di e delegashon di Antia Ulandes di e Konferensha di Mesa Rondó.

Komo mandatario Dòktor tabata e di dos presidente di College van Algemeen Bestuur (CAB). Despues di CAB ta bin Regeringsraad ku pa di promé biaha ta nombra ministernan (ku responsabilidat ministerial). Dr. da Costa Gomez ta bira e promé presidente di ministernan den Regeringsraad (pues Dòktor ta e promé Promé Minister di nos pais) i ta tuma e portafolionan di Asuntunan General, Agrikultura, Peska i Maneho di Awa. Di 1963 -1966 e ta Diputado di teritorio insular di Kòrsou enkargá ku Salubridat Públiko, Asuntunan Soshal, Agrikultura, Krio i Peska.

Mr. dr. da Costa Gomez ta muri riba 22 novèmber 1966 ku apénas 59 aña di edat. Dr. da Costa Gomez tin e siguiente distinshonnan: Officier in de Orde van Oranje-Nassau, Ridder in de Orde van de Nederlandse Leeuw (ámbos di Ulanda), Commandeur in de Orde van San Carlos (Colombia) i Orde van Jubille Zehabi (Libanon).

Dòktor su legado ta traha pa libertat, dignidat i balor propio di e pueblo, prinsipalmente e pueblo ku ménos posibilidat. Dòktor ta e polítiko ku mas éksito den nos historia na urnanan: na 1963 ela kue 36,6% di tur voto ku a keda emití, lokual ta un rèkort ku no a keda igualá.

Willemstad, Kòrsou

75 aña Nashonnan Uní


Nashonnan Uní ta kumpli e aña aki 75 aña.

Mi ta kòrda manera ayera ku mi tabata na Suidat di New York pa selebrá 50 aña di èksistensia di United Nations (UN) ku mi koleganan di United Nations Capital Development Fund (UNCDF) ku ta un agensia spesialisá di United Nations Development Programme (UNDP) ku ta operá den paisnan mas pober na mundu.

UN ta risibí hopi krítika tur dia. Bèrdat e ta un organisashon ku ta inkreíblemente burokrátiko i ta dependé di su miembronan kon aktivo i efektivo e por ta. No papia mes di nan sosten finansiero.

Pero, muchu lihé ta lubidá e éksitonan di UN pa ku desaroyo i seguridat mundial. Medionan di komunikashon ta karga parsialmente falta den esaki. Datonan di UNDP Human Development Index i Our World in Data ta mustra ku mundialmente pobresa èkstremo (poblashon ku mester biba ku USD 2.- pa dia) a baha ku 25%, labor hasí pa mucha a keda redusí ku 40%, hende ta biba un average di 10 aña mas tantu i morto infantil a kai ku mitar. UN tambe tabata klave pa resolvé konflikto i trese seguridat na e.o. Amerika Sentral, Cambodia, Mozambique, Angola i mas. Sinembargo ta parse ku nos gusta wak e kosnan robes so.

Ta keda hopi reto, manera reorganisashon di UN i miembresia permanente di Konseho di Seguridat, kambio di klima, pandemianan i un intoleransia kresiente.

Aki na Kòrsou interés den trabounan di UN ta minimal. TIn UN den boka ora ke lucha nos problemanan interno i denunsiá Hulanda. Algu ku na basta okashon mi a deskonsehá.

Nos mester krea mas hende ku un vision global ku ta sobrepasá ideologia lokal popular di “444 km kuadrá”. Nos mester dediká mas atenshon na e idealnan di UN i stimulá mas hende traha pa organisashonnan multilateral manera UN.

Pabien na UN, na tur ku a i ta traha pa UN. I laga nos no lubidá tur esnan ku a sakrifiká nan bida trahando pa desaroyo i seguridat global.

Willemstad, Kòrsou

Asina’ki ta bira presidente di Merka

Merka ta vota pa su presidente pa di 59 biaha den historia. E sistema elektoral Merikano ta kompliká. Mi ta trata na hasi esaki komprendibel.

Merka no ta vota dirèkt pa su kandidatonan presidensial

Kontrali na hopi otro pais, inkluso Kòrsou, Merka no ta vota dirèkt pa su presidente. Tampoko esun ku bira presidente nesesariamente mester haña mas voto. Na 2016, kandidato Hillary Clinton a haña 2.8 mion mas voto ku kandidato Donald Trump. Esun ku a bira presidente ta Trump.

E voto di e votadó pa e kandidato presidensial ta bai pa 538 hende

Voto di e miones di votadónan na Merka ta bai pa 538 hende ku ta forma un Electoral College. Kada un di e 50 estadonan ta manda un kantidat di hende pa e Electoral College. Mas hende ta biba den un estado, mas hende e ta haña den e Electorate College. Nos por mira riba e gráfiko ku California (CA) tin 55 miembro den e Elektoral College pasombra e tin un poblashon di 40 mion hende. Montana (MT) tin solamente 3 miembro pasombra su poblashon ta 1 mion.

Despues di elekshon presidensial riba 3 novèmber 2020, e 538 hendenan aki ta vota riba 14 desèmber 2020. E kandidato presidensial ku haña 270 vote òf mas di e 538, ta bira presidente na yanüari 2021.

Dikon e votadó no ta vota direktamente pa su presidente?

E sistema di votashon presidensial ta ankrá den konstitushon Merikano. E sistema ta traha pa tene kuenta ku estadonan chikí na poblashon. California tin 40 biaha mas poblashon ku Montana pero, California no tin 40 biaha mas poder ku Montana. Un (1) mion hende ta duna Montana 3 representante. Si e sistema tabata a base popular, California lo mester a haña ku su poblashon di 40 mion, un kantidat di (40*3=) 120 representante. Den e sistema Merikano, California tin 55. E sistema aki ta protehá e chikí. Tambe e tatanan fundadó di Merka a pensa ku no por a konfia den e ‘denkcapaciteit’ di e masa pa vota pa un presidente na tinu. P’esei a krea un ‘tussenstation’ ku yama Electorate College.

Kon ta gana elekshon?

Ku eksepshon di 2*, tur estado konosé e sistema ‘winner takes it all’. Pues si un kandidato gana California ku un (1) voto èkstra òf miles di voto èkstra, e ta haña tur 55 delegado di California pa e Elektoral College. Riba 14 desèmber próksimo e delegadonan ku ta representá nan respektivo kandidato presidensial ku a gana den e estadonan, ta vota. Sa pasá ku un òf mas delegado ta bula waya. E kandidato presidensial ku haña 270 voto òf mas, ta bira presidente na yanüari. 

Tin mas elekshon banda di esun presidensial.

Riba 3 novèmber tin mas ku elekshon presidensial. Tambe lo vota pa algun Gobernadó, i parliamentario (Senador i Representante pa Kàmara di Representante) i referèndum. Kuriosamente e elekshonnan aki si ta a base direkto i no via di un Electoral College.

Willemstad, Kòrsou

E artíkulo ta basá riba mi kontribushon na e programa di TV Direct “Elekshon Merka 2020” den kua mi ta un panelista.


*Nevada i Maine


Karta pa UN: kòrtina di huma

Siman pasá a bolbe manda un karta ku tin ke ber ku trabou di e Komishon di Dekolonisashon di Nashonnan Uní (e Komishon) pa aparentemente yama Hulanda ‘tot orde’ i denunsiá nos kuadro konstitushonal aktual ante e 193 paisnan ku ta miembro di Nashonnan Uní (UN).

E plan di akshon di e Komishon ta pa laga pueblonan riba e lista ku ta deseá, bira independiente (A/46/634/Rev.1). Esaki ta relevante prinsipalmente den kasonan ku e outoridat kolonial no ke koperá ku e deseonan di libertat di e pueblonan ku ke, manera ta e kaso di e kolonia Western Sahara kontra Maroko ku no ke pa tene ni un referèndum transparente riba independensia.

Tambe nos ta mira ku teritorionan ku antes tabata riba e promé lista original di e Komishon di Dekoloninashon (1961), manera Cook Islands, Gibraltar i Irian Jaya a skohe pa forma parti di un otro pais.

Nos nunka tabata riba e lista ariba menshoná, debí ku nos mes a pidi na 1955 pa no ta inkluí. Loke tambe ta improbabel ta ku un teritorio ku nunka tabata riba e lista di 1961 a subi esaki despues. Dikon? Pasombra paisnan manera China, Russia, Nicaragua (ku porsierto tambe ta miembro di e Komishon) tin miedu ku pueblonan den nan pais ku ke nan independensia, tambe lo ke subi e lista.

Ki balor agregá e karta tin? Pa sali for di Reino ni Hulanda ni UN por impedí esei. Tampoko mester ta riba e lista pa bira independiente. E paisnan ku a bira independiente mas resien, South Sudan (2011) i Kosovo (2008) nunka tabata riba e lista.

Pa kambia nos status, mester kombensé un mayoria di pueblo aki, no UN. Mi èksperensia ku kasonan similar den UN a siñami ku ora un keho drenta UN aktua kontra di un miembro, semper ta wak promé si esun ku ta bisa di ta víktima a agotá tur e proseduranan interno promé ku bai UN.

Pakiko e karta? Mi ta sospechá un kòrtina di huma pa no diskutí e kambionan grandi ku mester implementá den nos pais.

Willemstad, Kòrsou