Power of Parliament should be curbed and checked

The oath of office as prescribed in our Constitution requires Members of Parliament and Government to: “..maintain the Constitution of Curaçao”. Yet, the same Constitution doesn’t have legal means to guarantee the supremacy of the Constitution and Constitutional legality of (proposed) legal acts. Meaning, those who should safeguard our Constitution can breach it by accepting or enacting a legal act without independently determine its constitutionality. This doesn’t make sense. We should curb the absolute powers of Parliament.

The dangers of not having a Constitutional Court isn’t theoretical. In 2013 the office of the Governor indicated that the Governor would not sign into law the unconstitutional “80/20” which was passed by the Parliament in 2011. Had it arrived on the desk of the Governor, this would’ve resulted in an unresolved constitutional crisis.

The plight for a Constitutional Court (judicial review) isn’t new. Dr. Moises Frumencio da Costa Gomez made his case in 1946 (Curaçao in het Koninkrijk, p.123) for Curaçao to depart from the Dutch tradition to prohibit judicial review and make it possible judicial review. He didn’t propose a Constitutional Court, but felt that it could be handled by the Appellate Court.

Building on da Costa Gomez’ proposal I’ve been calling for a Constitutional Court since 2010. As Member of Parliament (2012-2016), I presented draft legislation to the Parliaments of Aruba, Curaçao and Sint Maarten for a joint Constitutional Court. It was well received, but Curaçao didn’t continue to lead. Below, the most salient points of my proposal.

Together or solo?

The case for a joint Constitutional Court which is part of the already established Joint Court of Justice is overwhelming considering our scale. We could go solo, but it’s not recommended.

Scope

The way we’ve dealt with Constitutional crises and multi-interpretations of the Constitution so far is based on opinions of constitutionally unlettered politicians and ‘expert opinions’ by people with their own agenda. Evidently this isn’t constitutional review. On the contrary, it threatens the integrity of the Constitution. The Constitutional Court should be limited to establishing whether a certain legal act is in conflict or not with the Constitution. To clarify, (re)interpret constitutional provisions when it’s important to improve the protection of the constitutional values and control mechanisms enshrined in the Constitution.

Decisions are binding

A legal act that has been ruled by the Constitutional Court to be unconstitutional may not be applied from the day the ruling is made public. It should be permanently revoked, removed from the our legal system or amended. I don’t believe in retroactive effect of decisions made by the Constitutional Court, even if such possibilities exist in some countries. The final decisions and or interpretations of the Constitutional Court are binding on all courts, institutions, organizations, officials and citizens. Government and the Parliament should be given enough space to make the above–mentioned changes.

Establish constitutional jurisprudence

The Constitutional Court should be bound by its own precedents and decisions in order to be consistent and ensure the continuity of constitutional jurisprudence. The importance lies in the fact that at all cost arbitrariness and subjectivity depending on the composition of Government, Parliament and even of the Constitutional Court should be avoided.

Curb and check the ‘absolute’ power of Parliament

In our parliamentary democracy Parliamentarians too easily consider themselves almighty and like yelling Vox Populi, Vox Dei, ignorant that this was originated in 1709 by Kings who were given celestial powers by Christianity. It’s especially harrowing in Curaçao where Members of Parliament with zero votes are able to represent the entire population. We like to talk about democratic deficiency as it pertains to our relationship within the Kingdom of The Netherlands. Rarely do we talk about deficiencies in our own house.

Willemstad, Curaçao

Soño di un hòmber di Afrika pa konkistá espasio na 1960

Su soño tabata pa konkistá espasio, pone hende riba luna i mars i despues di por move di un planeta pa otro.

Mi no ta papia di bionarionan Besos i Branson òf ingenieronan espasial na Merka òf Kazakhstan. Esaki tabata e ambishon di Edward Mukaka Nkoloso na 1960, un maestro di siensia na Zambia (Afrika) ku a lanta Zambia Space and Astronomical Research. Un soñadó ku tabata ninga e imagen di mediokresidat di Afrika i kier a manda un hende luna promé ku Merka i Union Soviétiko.

Edward Mukaka Nkoloso a traha un ‘rakèt’ yamá “D-Kalu 1” ku e kier a lansa riba 24 di òktober 1964, fecha ku Zambia a bira independiente. Riba un kunuku bandoná e tabata trein futuro astronoùtnan. E kadèt mas prometedó tabata Matha Mwanbwa di 17 aña. Matha huntu ku dos pushi (ku tambe a pasa treinen) lo mester a bai e promé mishon espasial. Sinembargo Matha a sali na estado i ta bandoná e programa. Seguidamente téknikamente kosnan a bai robes ku e rakèt i Edward Mukaka Nkoloso ta para e programa. Den su último entrevista ku prensa internashonal (The New Yorker, 11 mart, 2017) e a bisa ku ainda e ta sigur ku un dia hende lo por biaha di un planeta pa otro.

Aspirashonnan di Edward Mukaka Nkoloso tabata grandi i no por a keda konkretisá. Ta importante tira un lus riba tipo di personan aki ku desafortunadamente no ta konosí (1). Edward Mukaka Nkoloso a siña nos soña i tribi. Danki.

Willemstad, Kòrsou

(1) Mi a topa ku e historia aki durante un bishita na ArtScience Museum na Singapur

Opshon ‘provinsia’ ganando tereno

Tin vários grupo -te ainda den relativo silensio – na hopi parti di Kòrsou kòmbersando riba i konsiderando e opshon pa integrá den Hulanda/Oropa. Sea ‘opshon BES’, ‘UPG’, ‘provinsia’ òf ‘munisipio’. Kisas mas palpabel ta ku hendenan ku algun tempu pasá tabata tur-tur ku outónomia, awor ta faboresé integrashon. Pakiko? A mal manehá nos outonomia i no a kumpli ku e promesa di bienestar pa pueblo. Konsekuentemente tin un falta di konfiansa den nos hende i institutonan.

Paradòksalmente e mesun falta di konfiansa den nos hendenan a pone ku e opshon di integrashon te ainda tabatin mas popularidat den referèndumnan ku den elekshon. Partidonan ku ta propagá integrashon no a logra presentá un bon programa ni hende kapasitá pa bende e opshon. Sea nan ta bisa ku nos tin derechi riba tur mangel di Hulanda/Oropa sin mester kumpli ku e debernan di Hulanda/Oropa, òf simplemente no ta kapta e esensia di integrashon. Kon otro por splika ku un partido pro-integrashon den Oropa (via UPG) por kampañá pa fòrsa pone un spiral den vágina di sièrto muhénan pa nan no haña mas yu?

Komo oradó na un konferensia di èksperto na Hulanda (2004), mi a atvertí kontra di e pensamentu (di entre otro dr. Mito Croes, dfm) ku si integrá den Oropeo, nos por negoshá tur tipo di ‘eksepshon’). Falta hopi informashon promé tuma un paso responsabel pa integrashon.

Si proponentenan di integrashon presentá hende serio i konfiabel ku transparentemente por splika tur bentaha i desbentaha di integrashon, e opshon lo tin mihó resultado na siguiente elekshon(nan).

Finalmente un atvertensia na ‘de politiek’. Bisti dashiki, mara bunita lensu di tela ‘kente’ na kabes, grita West Indische Compagnie no ta yuda outonomia. Si sigui maltratá nos outonomia dor di inkapasidat i ‘gràpsologia’ flagrante enbes di karga responsabilidat, sa ku boso ta oumentá e chènsnan di integrashon.

Willemstad, Kòrsou

Kaida di Afghanistan i posibel konsekuensianan

Afghanistan ta den man di Taliban i den krísis. Su bisiñanan, Sentral Asia i hinter mundu lo sinti e konsekuensianan. Kon a yega aki i kua ta e posibel senarionan awor ku Taliban tin kòntròl?

“Time-line 1989- 15 ougùstùs 2021

1989: Union Soviétiko (USSR) ku a invadi Afghanistan na 1979 pa sostené e komunistanan Afghano, no ta logra i ta bati retirada.

1994: Gruponan Afghano i Pakistaní ku a kore ku USSR esta “mujahideen”ta lanta Taliban pa kaba ku korupshon.

1996: Despues di un guera di 2 aña Taliban ta kontrolá Afghanistan i ta instituí un maneho di Islam Sunni fundamentalista i represivo. Solamente Pakistan, Saudia Arabia i Emiratonan Árabe Uní (tur ta Sunni) ta rekonosé Taliban.

2001: Atakenan “9-11” di al-Qaida ta keda planeá i dirihí for di Afghanistan pa Osama bin Laden.

2001: Vengando e atake di ‘9-11’, Merka ta start ‘war on terror’ i intervení eksitosamente na Afghanistan i desmantelá al-Qaida i kita poder di Taliban.

2009: Invashon Merikano na 2003 di Iraq ta desviá atenshon militar na Afghanistan i Taliban ta re-agrupá. Merka ta manda trupa èkstra.

2011: Merka ta mata bin Laden ku pa 10 aña a haña refugio na Afghanistan i Pakistan. Ta bin kambio di strategia i un plan di invershon, desaroyo i demokrasia ta subi mesa.

2014: Obama ta anunsiá retirada na 2016 di trupanan.

2017: Presidènt Trump ta bisa ku Merka no tei pa “nation building pero pa mata terorista”. E ta pro pa sali for di Afghanistan, pero ta atvertí pa Merka no drenta un aventura di un retirada mal planiá.

2021: Presidènt Biden ta anunsiá retirada di Merka pa 11 sèptèmber awor. Un pa un, provinsianan di Afghanistan ta pasa pa Taliban. Presidènt di Afghanistan ta hui, e embahada di Merka ta keda evakuá i Taliban ta kue poder.

Mapa di Afghanistan i alrededor

Posibel senarionan

China tin frontera ku Afghanistan i ta alèrt pasombra Taliban ta sostené e minoria Musulman (Sunni) Uyghurs den nan lucha pa outonomia di China. Tambe China a invertí kuantiosamente den Uzbekistan, Tajikistan, Kyrgyzstan, Kazakhstan i Turkmenistan. China no ta tolerá ku problemanan di Afghanistan por peligrá su invershonnan na Sentral Asia. Luna pasá un bòm di Taliban-Pakistaní a mata 9 Chines na Pakistan.

Uzbekistan, Turkmekistan i Tajikistan ku tin frontera ku Afghanistan ta spera ku Taliban lo sòru pa e konfliktonan na Afghanistan no krusa frontera. Ademas, pa nan ta importante pa kontené aktividatnan di ISIS na frontera i redusí trafikashon di heroina (siendo Afghanistan e produktor mas grandi di heroina na mundu). Komplikando e asuntu ta e milisianan anti-Taliban (poko disipliná) étniko Uzbek, Tajik i Turkmen na ámbos banda di frontera ku por destabilisá hinter Sentral Asia, prinsipalmente si Merka duna nan sosten. Tuma nota ku e gruponan anti-Taliban aki a yuda Merka na 2001 pa derotá Taliban.

Iran, un pais Muslim Shia, no ta gusta Taliban i no a lubidá ku na 1998 Taliban a mata 8 diplomátiko Iraní. E problema inmediato di mas grandi ta ku e frontera Iraní-Afghano no ta protehá sigur awor ku Iran ta debilitá finansieramente pa e sanshonnan di Merka. Hopi Afghano ku drenta Iran lo sigi move pa Turkia i posiblemente Oropa. Iran a konstruí un muraya na su frontera ku Turkia.

Pakistan den pasado a sostené Taliban Afghano pa forma un aliansa kontra di India, su enemigu mortal. Luna pasá Afghanistan a akusá Pakistan di a laga miles di Taliban Pakistaní bin djòin esnan na Afghanistan. Ku Taliban na mando na Afghanistan, Pakistan su prekupashon ta fluho di refugiado. Tambe, ku Taliban Pakistaní, empoderá pa e viktoria na Afghanistan, por destabilisá Pakistan, un pais nuklear. Pakistan ta e piesa mas instabil den e krísis aki.

Rusia tin un aliansa militar ku Tajikistan i ya a risibí petishon pa asistensia ku fluho di refugiado na frontera Tajik-Afghano. Rusia no tin frontera ku Afghanistan a bisa kaba di no ta bai permití ku su seguridat ta keda peligrá.

Opviamente ta muchu tempran pa konkluí kiko lo pasa. Mundu ta premirá un krisis di marka mayó: derechi humano, refugiado i pandemia di COVID. Tin speransa chikí pa un transishon na òrdu.

Merka lo mester lembe su heridanan. Esaki ta un sla pa su kredibilidat i hustifikashon di su akshonnan fo’i 2001 na Afghanistan. Loke kisas ya por konkluí ta ku no por imponé balornan moral, religioso, polítiko ni di demokrasia riba otronan. En todo kaso China ya a yama Merka su polítika inferior kompará ku e polítika Chines di no-intervenshon.

Willemstad, Kòrsou

Apesar di kampaña ta COHO mes nos a haña

“No pone COHO (ántes CHE) un banda, pasó no tin un mihó alternativa”(1). Esaki mi a bisa na un foro di PNP un aña pasá.

Partidonan den Fòrti ku a kampañá pa reachasá COHO pasombra e ta rekolonisashon, pa despues presentá ‘Plan B’ ku a baha fo’i mesa ku un velosidat ku lo laga hopi koredó olímpiko babuká, ta akseptá COHO. Pa kolmo (básikamente) e mes vershon di e gabinete anterior.

Mi a fèrwagt ku Fòrti lo a sali bisa ku awor lo traha duru pa den futuro no mester di COHO mas. Sinembargo tabatin un yoradera splikando ku ta ora a drenta Fòrti a sa di e situashon finansiero. Pero, ta regularmente raportahenan mensual finansiero ta bai Staten. Akaso PM komo Parlamentario nunka a lesa nan i/òf pidi mas informashon?

Por sierto lo ta bon sa si awor ku a akseptá COHO lo kanselá e karta pa UN akusando Hulanda di ta mina nos outonomia i derechi pa independensia (2).

Nos mester realisá ku kompleho i sapatiamentu no ta yuda nos outonomia. E gran menasa pa outonomia no ta Den Haag, sino aki mes. Dor di no hasi lokual nos sa ku nos mester hasi. Outonomia ta pa hende grandi ku ke karga responsabilidat.

For di un komienso mi a sugerí pa mehorá e aspekto di desaroyo di COHO ku te ainda no ta sufisiente desaroyá. Ta di spera ku tin mas hende ku ta pensa asina i ku lo trese kambio.(1)

Ademas, nos mester ‘quiet diplomacy’ ku Den Haag (3). Forti i Stadhuis mester buska i traha riba ‘netwerk’ ku e ‘decision makers’ na Hulanda i mantené kanalnan ofishal i no-ofishal di kombersashon, habrí.

Willemstad, Kòrsou

(1,2,3)

Infantil i sin konsiderashon

Nos minister Presidènt i ‘Bartender-in-Chief’ resientemente tabata sirbi beter na apertura di un establesimentu komersial sin un tapa boka ni distanshamentu físiko, ámbos regla di su mes kabinete. Awor, bèrdat ku polítikonan gusta sali riba potrèt òf video sin pensa riba konsekuenshanan pasombra popularidat i voto ta mas importante. Pero, un minister Presidènt mester ta konsiente di e mensahe ku e ta manda ku su akshonnan? Klaro. Nos ta mei-mei di un krísis di COVID. CMC a bati bèl pasombra pronto e no por kumpli ku su tareanan. Awor’ki ta totalmente inoportuno pa akshonnan infantil.

E mensahe ku nos ‘Bartender-in-Chief’ a manda ta ku den e krísis aki medidanan pa evitá kontagio no ta importante. Esaki despues ku su minister di Salubridat a preferá skonde tras di privasidat enbes di na un manera transparente bisa ku bakuna ta e mihó opshon pa protekshon kontra di COVID i mas desaster sosioekonómiko.

Mientras tantu e otro partner di koalishon ta ketu i ta komplisé di e komportashonnan estúpido i sin konsiderashon aki di dos miembro di gabinete.

E Presidente di Konseho di Minister mester sali oferesé su diskulpa.

Willemstad, Kòrsou

Ku NOW a frakasá por ta un sorpresa?

Ku NOW, e proyekto di reskate den kuadro di COVID, a frakasá no ta un sorpresa.

Durante e rueda di prensa di ayera konvinientemente e aktornan nobo solamente a resumí NOW te nèt promé ku nan a sinta den Fòrti i lamentá e falta di resultadonan di e proyekto. Ningun análisis profundo. Dikon Karibe ku relativamente tabatin ménos akseso na fondonan di reskate kompará ku Kòrsou, a logra ku nan ekonomia no a kai aparatosamente manera esun di nos, lo tabata un pregunta relevante pa hasi i kontestá.

Mi a premirá un debakel for di komienso di aprel 2020*.  

E problema di NOW no ta na promé lugá e fayonan den ehekushon i vulnerabilidat pa korupshon, sino su formulashon defisiente. Pues e alegashonnan di korupshon, malalokashon di fondo i falta di efektividat ta resultado di diseño. No a definí koutelosamente esnan ku tin mas nesesidat pa haña sosten (“targetting”). E plan ta karesé di kriterio, “benchmark”, dato konfiabel i ademas poko komunikashon entre nos institushonnan.

Debí na un formulashon débil** tabata opvio ku e ehekushon tambe lo ta defisiente. Ademas a bira penosamente opvio ku nos struktura ekonómiko antikuá i rígido ta stroba resultadonan konkreto ku e fondo di NOW a premirá.

Apesar di tur esaki, ayera tampoko e aktornan di turno a demostrá determinashon pa reformulá NOW. Parse ku nos lo keda chambuká por lo pronto.

Willemstad, Kòrsou

*https://alexdavidrosaria.blog/2020/04/09/curacao-needs-to-cushion-covid-19-pain-but-without-real-changes-well-be-back-to-square-one/

**https://alexdavidrosaria.blog/2020/06/08/reformula-proyekto-sosten-covid-19/

Awe, mas leu fo’i kas

Bakunashon kontra COVID ta e manera mas efektivo pa no keda kontagiá, bai hòspital i muri prematuramente. Mas hende bakuná, ménos e posibilidat pa COVID adaptá, manera e kaso di variashon Delta, i bira mas peligroso. Esaki ta loke a keda pruebá pa komunidat mundial sientífiko i médiko. Na Kòrsou awe 93+% di esnan den hòspital pa COVID no ta (full) bakuná

Esnan ku ta kampañá ku bakunashon ta un eskoho, tin rason. E t’un eskoho. Loke mester añadí ta ku tur eskoho tin konsekuensia. I esnan kontra bakunashon nunka ta papia di esei, bo’n ripará?

Mas hende keda sin bakuná mas grandi e chèns pa ‘lockdown’, kontrakshon ekonómiko i desempleo. Kisas bo libertat pa skohe bakunashon ta mas importante ku libertat di tur hende pa move? E por ta mas importante ku seramentu di negoshinan i ménos pan riba mesa?

Mi a skohe pa bakunashon pa protehá mi mes, mi sernan kerí i próhimo. Mi eskoho ta baha preshon riba gastunan i personal di salú públiko, i yuda trese normalidat den ekonomia i nos bida diario.

Bo eskoho pa no-bakuná ta pone no solamente abo pero nos tur den mas peliger. Mester start e kòmbersashon kon ta pone esnan ku no ke bakuná karga ku e konsekuensianan ku nan ta imponé riba nos tur.

Willemstad, Kòrsou

Teatro nashonal

Resientemente na entiero di mi amigu Ced Ride ku kende mi a kolaborá pa yega na e kanshon, Dòktor mester keda biba semper den nos mente, un mandatario ta anunsiá kreashon di teatro nashonal Ced Ride.

Mi no por ta kontra rekonosementu pa Ced. Pero, kon a yega na e desishon aki? A konsiderá Teatro Jacobo Naar, Lelia Capriles òf Rina Penso? Teatro Laura Quast, Guillermo Rosario òf Harold Martina? Pakiko no? Kiko tabata e kriterionan? Òf tabata simplemente un zèt populista pa ‘score’?

Juist. Manera muchu kos na Kòrsou, aki tampoko tin maneho transparente ku ta karga aprobashon di diferente ‘stakeholder’ relevante. Kon otro por splika ku ningun hende ta papia di nos poblashon indígeno, Caiquetío? Dikon un Hariri den un drumi lanta ta haña un plasa mientras nunka a atendé e petishon pa rekonosementu pa Damanan di Djarason*? Kon por splika ku hopi Gobernador Hulandes tin nòmber di kaya pero ningun Gobernador yu di tera tin esaki? Dikon Hamelberg tin un kaya den Otrobanda konsiderando ku e tabata kontra pa hende pretu vota? Di otro banda, Charles de la Try Ellis, e promé yu’i tera ku a doktorá den lei (aisina mes, promé ku Dòktor da Costa Gomez) i un di e outornan intelektual di Statüt, ta un deskonosí?

Mi ta pro onra nos hendenan. Totalmente. Pero pa rèspèt pa nos pueblo i baluartenan, esaki mester sosodé a base di maneho transparente i bon deliniá. Asina’ki ta garantisá ku tur hende, a base di nan logro -i no beis di un mandatario- tin e oportunidat pa via di un ‘level playing field’ gana nan honor.

Willemstad, Kòrsou

Difísil pa kualkier mandatario di Ekonomia move ekonomia

Nos sa kiko mester hasi pa ekonomia krese duraderamente*. Sinembargo ta difísil logr’é mientras e tareanan ekonómiko ta repartí na e manera aktual.

E titular di Ekonomia no tin sufisiente instrumènt pa traha. E no ta responsabel pa forsa laboral, agrikultura i krio mientras peska ta repartí bou di dos ministerio. Aspéktonan di energia kada biaha ta kai bou di un otro minister. E no tin insentivonan ku por situmulá aktividat ekonómiko i aspektonan ekonómiko internashonal no ta transparentemente repartí. E poderoso VVRP pa hopi aña a demostrá di no nesesariamente ta ‘in sink’ ku desaroyo ekonómiko.

Kasi tur mandatario tu usa su kartera konforme su agènda (polítiko) i den esaki ta pone pia, si ta nesesario, pa koleganan. Repartishon di tarea ta mas bien un wega di ken por sali ganá, haña mas empresa di gobièrnu (i nombra amigu komo komisasio) ora negosiá kartera.

Klaro ku tur mandatario (den teoria) mester traha huntu, pero den nos kaso tareanan ekonómiko ta plamá bou di por lo ménos sinku ministerio. Nos a pèrdè un bon oportunidat pa fortifiká e posishon di e minister di Ekonomia algun luna pasá ora a forma un gabinete.

Na Aruba Raad van Advies na tres okashon a duna konseho pa trese un repartishon mas efektivo di karteranan ministerial. Nos bisiña por lo ménos ta pensa riba kambio. Ta tempu pa Kòrsou tambe hasi esaki.

Willemstad, Kòrsou

*https://alexdavidrosaria.blog/2017/10/22/oecd-curacao-noncompliant-economic-reform-needed/ .