Covid-19 and mental health

We spend millions every year in this country on physical health like going to the gym and buying fitness equipment, but for some reason putting that kind of effort towards mental health is still stigmatized. That stigmatization can be traced back to our cultural influences on mental health and religious upbringing which have often equated mental illness with demons and punishment (https://alexdavidrosaria.blog/2019/10/12/basta-stigmatisa-i-atende-ku-suisidio/). This doesn’t make a whole lot of sense since our mental health, unlike our physical health affects everyone around us, at home, work and school. And, it doesn’t go away with death either, but gets carried down for generations. It’s a real problem. We need to be open-minded and have a rational conversation about mental health. Not talking about it makes us part of the problem.

I’m troubled and frankly distraught because mental health is rarely mentioned in this corona pandemic we are living. In an article I wrote in April 2020 I cautioned that: “ If we don’t invest in [..] mental health, we’ll soon realize that many social issues we’re dealing with will linger long after this pandemic is over”. Already social workers are sounding the alarm and official figures indicate that the despair is growing (prostitution, alcoholism, foreclosures, personal debts, suicides, unemployment and emigration).

COVID-19 will probably be gone in a few years, but the mental health issues it has created and/or exacerbated will live on provided we drop the cultural stigmatization and religious voodoo surrounding this issue and address it like adults.

Willemstad, Curaçao

Odio, venenu i hipokresia di pastornan kristian

Tempu mi tabata den partido, mi a haña invitashon di un pastor kristian pa bishitá su misa riba Corrieweg. Despues di a introdusími, e pastor a duna palabra na un señora ku kier a kompartí un“testimonio”. Aparentemente algun dia promé e a soña ku un barku grandi yen di turista homoseksual na yegada di Sta Ana ta dal kontra baranka, splet na dos i ku tur hende na bordo a hoga. E señora a haña un ovashon i e pastor a bisa “hallelujah, dios no ke homoseksualidat ni tampoko homoseksual den su reino”.

E kaso aki no ta algu insidental, pero un kustumber di tur djadumingu. Iglesianan ku ta hinka rabia i venenu den hende kontra di un minoria basá riba preferensia seksual. I ora mester, nan ta sali foi nan kueba di odio, uni i plama e venenu manera e.o. na 2019 riba Plasa Alameda ku partisipashon di Obispu i vários iglesia. Den e temporada di kampaña aki nan a bira super mòndu predikando moralidat, dunando konseho di voto pa partidonan ku tambe ta diskriminá LGBTQ. Buska e pastornan aki pa komentá riba abuzu seksual di nan koleganan kontra di mucha inosente i religiosonan enkarselá pa krimen kometé. “Muisstil”.

Persiguishon di religiosonan kontra di minoría no ta un kos di awe. Na Kòrsou tampoko. Ta konosí kon Mgr. Zeppenfeldt, Frater Radulphus i Pater Mölmann a diskriminá abiertamente hende pretu i muhé i konsiderá nan inferior. Ta konosí kon Obispado a humiliá Dòktor da Costa Gomez na su morto (1966). De fakto, religion tabata e faktor di mas grandi di divishon den nos historia polítiko.

E abuzu aki mester stòp. E hipokresia no por kontinuá. Basta ku planta odio i ninga derechi igual na e grupo di LGBTQ. Kisas lo ta bon pa wak paden i sana boso heridanan interno grave i trata na gana e outoridat moral ku boso ta prediká pero no ta praktiká.

Willemstad, Kòrsou

Lucha kontra ignoransia i diskriminashon pa vota


Derechi di voto tabata nada fásil i semper Kòrsou a keda diskriminá, pa mas ku un siglo. Ta bon nos bishitá nos historia.

Semper a tene Kòrsou atras

For di 1815 te 1937 Aruba, Boneiru, St Maarten, Statia i Saba por a vota pa nan propio dos Konsehal den nan goberrnashon lokal, yamá Raad van Politie. Kòrsou no a tabatin Raad van Politie ni derechi di voto.

Brevemente Kòrsou a bira munisipio, esta un sorto di gobernashon insular, di 1827-1833 ku 4 Konsehal, pero Kòrsou no por a vota pa su Konsehalnan. Segun Hulanda, en bista ku Koloniaal Bestuur i Koloniale Raad tabata aki, lo tabata “muchu kompliká pa e Yu di Kòrsou (YdK) distinguí entre gobernashon lokal i esun sentral.”

Na 1865 Sürnam ta haña derechi di vota promé bia pa 9 di su 13 representantenan di Parlamento. Segun Hulanda, nos no tabata madurá kompará ku Sürnam i no a haña e mes un derechi.

Bosnan pa kambio, bosnan di resistensia

Na 1869 YdK (Hudiu di koló) Généreux de Lima durante un reunion di Koloniale Raad ta pidi pa stòp diskriminashon kontra Kòrsou i duna nos derechi di voto. Segun de Lima no por ta asina ku nos ta responsibel pa e islanan mas chikí antó nan tin mas derechi ku Kòrsou.

Despues di petishon di de Lima, e Protestant blanku Hulandes, Hamelberg, ta bisa ku si hende pretu vota antó lo bin kanibalismo, adorashon di dios falsu i sèks entre hende i bestia.

Na 1895 e abogado YdK Hudiu Abraham Chumaceiro a desbaratá Hamelberg den su artíkulo: Zal het stemrecht leiden tot Canibalisme?

Na 1923 e promé organisashon polítiko di Kòrsou, de Curaçaosche Vrijheidsbond, liberal i intelektual ta manda un karta pa Reina pidiendo derechi di voto.

Den su tésis di 1935, Moises Frumencio da Costa Gomez (Dòktor) ta yama e diskriminashon kontra Kòrsou un “historische onrecht”.

Na 1937 pa di promé biaha nos a haña derechi di vota pa 10 di e 15 miembronan di Staten. Nos mester a warda 72 aña despues di Sürnam.

Por a vota na 1937 solamente hende hòmber di 25 aña òf mas, ku un entrada anual di por lo ménos F 1,200, ku tur be lasting pagá i ku un nivel intelektual di òf ekibalente na 7 aña di enseñansa Uitgebreid Lager Onderwijs. Di un poblashon di 90,000 hemde, solamente 2,100 a kwalifiká pa vota.

Staten, riba inisiativa di Dòktor na 1938 ta amplia derecho di voto pa hende menos pudiente tambe, loke ta pone un grupo lokal riku pidi Reina distruí e desishon di ampliashon di derechi di voto. Segun nan demokrasia ta na peliger si e masa vota. Reino ta rechasá e petishon.

Derechi di voto despues di tur tipo di diskriminashon

Di 1938 pa 1947 Dòktor representando Curaçaosche Roomsch Katholieke Partij ta logra derechi di voto universal ku ta mira lus na 1948.

1949, e promé elekshon pa Staten basá riba derechi di voto universal ta tuma lugá pa tur 21 Miembro di Staten.

Kòrsou mester warda te 1951 pa e vota pa promé biaha pa su representantenan lokal, esta Konseho Insular. Mas ku 135 aña despues di sobrá isla.

Willemstad, Kòrsou

Petishon na Reina pa ninga muhé i hende pretu derechi di voto

Siglo pasá algun petishon, -e promé di un grupo intelektual liberal na 1923- a bai Reina Hulandes pa duna nos outonomia i derechi di voto. Poko konosí ta un petishon di 1939 di un grupo di hende pudiente lokal na Reina Wilhelmina pa no duna derechi di voto na muhé i hende di pueblo.

Nos Kiesreglement (1936) a hasi posibel ku pa promé biaha riba 20 desèmber 1937 por a vota pa 10 di e 15 miembronan di Staten. Fo’i ora Dòktor da Costa Gomez a sinta den e promé Staten na aprel 1938 na nòmber di Curaçaosche Roomsch Katholieke Partij (CRKP), e a lucha pa amplia derechi di voto otorgá na 1936 ku tabata solamente pa hòmber di 25 aña òf mas, ku un entrada mensual di por lo ménos f 1,200, ku a paga belasting riba su entrada i ku tabatin un kapasidat intelektual (òf ekibalente) di 7 aña di uitgebreid lager onderwijs (ULO) ku den kaso di duda tabata keda di tèst. Esaki a pone ku solamente 2,100 hòmber por a vota, di kua 60% a nase pafó di Kòrsou. Poblashon total tabata 90,000 alma.

Dòktor den di dos mitar di 1938 a presentá un kambio di den kua erekesito di f 1,200 mensual a keda bahá na f 900 mensual. Dòktor no a logra pasa otro kambio ku e tabata ambishoná ya ku su partido no tabata ke pa e proseso di emansipashon kana muchu lihé. Tambe Staten tabata dividí den katóliko i no-katóliko ku en general tabata fèl kontra emansipashon di hende muhé i hende pretu. E lei a logra pasa 8 (katólikonan) kontra 7 (no-katóliko).

Konsekuentemente riba 29 di òktober 1938 un karta ta bai pa Reina den kua un grupo grandi di firmante ta pidi pa destruí e desishon demokrátikamente tumá. Según e firmantenan si mas hende vota, esaki ta kontra nos demokrasia. Nan miedu: votadónan sin un “denkcapaciteit” i “politieke scholing” no por determiná rumbo di nos pais. Ademas, kambionan pa laga hende muhé i e masa vota ta prematuro.

Den un kontesta di 14 febrüari 1939 Gobernadó Wouters ta ninga e petishon.

E karta tabata firmá pa “koopmannen”, “grondbezitters”, bankero, miembronan di Gobièrnu, miembro di Kámara di Komèrsio. Entre otro: J.A. Correa, Manfred Brandou, Jossy Capriles, Julius Penha, Chas Maduro, Isidore Pinedo, Alvin Delvalle, Julio Jesurún i desena di hende mas.

Un episodio skur. Tristu ta ku awe tin hende ku meskos ku mas di 80 aña pasá ta haña ku ta muchu prematuro ketu bai pa pèrmití derechi igual pa tur hende.

Willemstad, Kòrsou

Fuente: Archivo Nashonal

Frakaso di ‘dòp dede den inkt’ pa evitá froude elektoral

Den vários pais, despues ku e votadó ‘ basha su bala’ e mester dòp un dede den ‘inkt’ pa evitá ku e por vota atrobe. Pero, introdukshon di ‘verkiezingsinkt’ na Kòrsou pa elekshon di Konseho Insular (KI) di 31 mei 1963, a bira un drama.

A intrudusí verkiezingsinkt pasombra: “Curaçao kan zich niet veroorloven [..] in de schijn van corruptie te staan.” Despues di debate intenso a skohe pa un inkt di DuPont koló kòrá/püs. Pa lei e votadó mester a hinka su penk robes den inkt (si e no tabatin’e, mester a hinka e penk drechi, si e no tabatin penk, por a usa kualkier dede i si e no tabatin dede, e ta pidi dispensashon.)

Apenas 10 dia promé ku elekshon, Anibal Viceisza di partido Union Popular Corsou (Un.Po.Co) ta bai Korte pasombra segun e, uzo di inkt ta kontra lei i derechi humano. Korte ta dun’é rason. KI ta kambia e lenguahe tokante di inkt den reglamento di voto, pero ta keda duda di su legalidat. Tambe, tur urna a haña instrukshon pa no usa inkt.

Mainta di elekshon Anibal Viceisza ta yega pa vota, i tenshon tabata haltu. Lo pidi’é hinka su dede den inkt? Promé ku esei a kambia e presidente di urna kaminda Sr. Viceisza mester a vota loke a trese hopi spekulashon.

Finalmente, un solushon mitar mitar: por a vota ku òf sin inkt. Tabatin miedu ku un persona por a bai Korte i pidi pa deklará e resultadonan inbálido. Ademas, segun Amigoe di 31 mei 1963 for di mainta dos hende a demostrá ku fásilmente por kita e inkt ku un simplel produkto di limpiesa konteniendo klorin.

Kombinashon di lista Partido Nashonal i Partido Independiente di Corsouw (NVP/COP) ta gana elekshon ku 12 asiento.

Willemstad, Korsou

Annie are you okay?

Annie is okay. She’s the most kissed face of all time.

“Annie are you okay? Will you tell us that you’re okay Annie”. You’ve heard this line in the Michael Jackson’s song Smooth Criminal and seen the amazing gravity-defying dance moves Michael delights us with in the accompanying video. “Annie are you okay” is not a term that the King of Pop invented. Where it came from is rather interesting*.

Around 1880 a girl’s body was pulled out of the Seine river in Northern France, apparently she committed suicide. As she couldn’t be identified by the authorities, she was put in the viewing room of the morgue with the hope someone could recognize her. She was incredibly beautiful, but unfortunately never identified and consequently buried as l’Inconnue de la Seine. Before her burial, a morgue worker, mesmerized by her beauty, made a face mask of the dead girl to capture her likeness forever. Copies were made and sold of this mask and even poems were dedicated to her.

A few decades later when the first Cardiopulmonary Resuscitation (CPR or ‘eerste hulp’) mannequin was made, the face mask of this French girl was used. CPR-Annie was born. And in CPR courses one of the first things you’re taught is to assess the person’s status you are going to resuscitate by asking: “Annie are you okay?” It has been said that Annie is the most kissed face of all time. A girl who took her own life, became the symbol of saving countless lives all over the world.

Willemstad, Curaçao

*From time to time I’ll write about random, but interesting stories.

Ku medida fo’i Den Haag outonomia ta sigi garna

Anteriormente mi a skibi ku nos outonomia ta den peliger, no pasombra Hulanda “ke tuma rienda”, pero pasombra nos ta malmanehá nos responsabilidatnan outónomo. Lo bo kere ku despues di 70 aña di outonomia ku nos a konmemorá riba 7 febrüari 2021, nos a progresá. Kontrali, nos a retrodesé. E medida di Den Haag awe ta resultado di akshon konsiente di 10 yu di tera den Staten ku a bòikotiá nos demokrasia i gòlpea nos dignidat komo pueblo. Hendenan ku a haña nos voto pa representá nos. Un bèrgwensa i un skòp kontra grandinan di nos outonomia manera Dòktor da Costa Gomez, Charles de la Try Ellis, Abraham Chumaceiro.

A kaso nos ta kere ku malmaneho di nos outonomia ta duna nos mas outonomia? Nos ta kere ku asina’ki nos ta mas serka di independensia?

Kada bia mas hende ta tira sèrbètè den ring i ta pèrdè konfiansa den disponibilidat i kapasidat den nos hendenan pa atendé nos asuntunan na serio. Hopi ta premirá ku si den un próksimo referèndum tin e posibilidat pa bira munisipio, esaki lo haña akohida, sigur si sali hende ku por bende e opshon aki na un manera serio. Nos lo no ta e promé pa pèrdè outonomia pa mal maneho. Puntra e pais ku antes tabata yama Kingdom of Sikkim ku a forma na 1642 i ku na 1975 a pidi India tuma over despues ku pueblo a fada di malmaneho. Awe Sikkim no ta un Reinado, pero un estado den India.

Willemstad, Kòrsou

Prekupá pa futuro? Nos lo no tei

Despues di tira bista den programanan di kampaña i skucha algun kandidato, mi ta konkluí ku apesar ku tin 15 lista, no ta realisá ku mundu ta kambiando riba velosidat haltu. Mayoria a keda pegá den tempu, den populismo i e urgensia pa ‘score’ awor manera mundu ta stòp di èksistí ora nan no tei mas.

Mienstras tur ta papia di limpia Kòrsou i algun tokante resiklahe, no ta menshioná maneho pa redusí emishon di gas, menos desperdisio i plan den kuadro di medio ambiente i kambio di klima.

‘As we speak’ un mundu financiero paralèl ku un ròl redusí pa bankonan komersial, ‘cryptocurrencies’ ta bira un realidat mientras ta keda papia di ‘offshore’ ku for di aña 2000 a desaparesé i kon Hulanda a mat’é.

Ke redusí edat di penshon sin realisá ku nos tin un krísis di poblashon. Ménos hende ta nase, un desbalanse no-saludabel di mas muhé ku hòmber, poblashon ta bira chikí i bieu ku konsekuensianan pa forsa di kompra, ‘cost of doing business’, produktividat i sirkunstansianan soshal.

Tur ta papia di èksportashon, pero ningun di e kondishonnan ku no tei pa fasilitá komersio internashonal (World Trade Organization).

Nos ta siegu p’e influensia kresiente di China den nos region, mientras nos no ta forma punto di bista pa ku e Caribbean Initiative 2 ku probablemente e Presidente Merikano nobo lo lansa durante di e Kumbre di Amerika e aña aki pa kontra-arestá e influensia Chino aki banda.

Tin ‘democratic backsliding’ ta tuma lugá aki i otro kaminda, pero no tin intento serio pa revisá nos sistema demokrátiko i kuestioná e poder ilimitá di Parlamento.

No ke mishi ku derechi humano pa hendenan di mesun sekso pasombra nos ta mas santu ku Papa (litermente), eutanasia, ofisina di planifikashon, manipulashon genétiko, inteligensia artifisial, refineria i mas.

Nos ke pa na aña 2075 bisa: “Esnan di 2021 no a pensa riba nos (kambio di klima, maneho di poblashon, LGBTQ, sistema finansiero i geopolítika) i p’esei nos ta kore kabe’i gai, pero por lo menos nan a pone mas Kliko, drecha buraku den kareteranan i bati Hulanda?”

Willemstad, Kòrsou

Needed: a globally conscious Parliament

In 2013, as Member of Parliament, I convinced my colleagues to institute a permanent Parliament commission to deal with international relations. Kind of amazing if you think of it, that’s not having such platform in our most important democratic institution. This commission, during my tenure came together frequently to discuss matters relating to Venezuela, but it didn’t really venture beyond that. Since 2016 international issues have rarely been discussed. Change is needed.

Hopefully the newly elected Parliament will take international affairs seriously and breathe new life into this commission. This would be an important step toward opening up to the world and letting go of the small village mentality that unfortunately has permeated Parliament for too long.

Parliament should proactively tackle issues that can directly impact us, such as migration, changing demographics, climate, China’s Belt and Road Initiative and global democratic backsliding. But, also issues that seem far away such as modern slavery, mutilation of sexual organs and human rights like the Uighur, albino population, Amazon indians. After all, we’re global citizens.

I hope this isn’t wishful thinking. The world is bigger than Curaçao and the Kingdom of The Netherlands. The future is intertwined and interconnected. Whether we like it or not.

Willemstad, Curaçao

Eliminá moneda di 1 cent

Na 1926 minister di Kolonia a aserká Gobernadó di Kòrsou pa eliminá e moneda di 1/2 sèn den sirkulashon. E motibu tabata ku e kosto pa trah’é tabata mas ku 1/2 sèn. A dura pa eliminá e moneda, mientras Hulanda a eliminá su 1/2 sèn na 1940.

Awe e moneda di 1 sèn tin 20 biaha ménos balor kompará ku 1921 konsiderando inflashon. Ademas e tamaño chikí i inpráktiko ta pone ku fásilmente e ta kai pèrdè, djis ripará kuantu 1 sèn bo ta mira abou sin ku hende ta tuma molèster pa rekohé nan. Kontamentu di e moneda na establesimentunan i banko ta un aktividat kostoso. E kontinuo skarsedat di e moneda ta pone ku e kumpradó na hopi okashon ta paga di mas. E skarsedat ta e resultado lógiko ku e moneda aki ta ‘desaparesé’ di un manera òf otro for di sirkulashon. Na sierto tienda, restaurant ya kaba den práktika tur preis ta den denominashon di 5 sèn.

Klaro ku tin sierto desbentaha pa eliminá e moneda. Un banda semper tin konsiderashonnan sentimental. Tambe, ku eliminashon di e moneda tur preis mester keda ahustá. Normalmente un produkto di NAf 2,51 òf 2,52 mester bira NAf 2,50. Un produkto di NAf 2,53 òf 2,54 mester bira NAf 2,55. Lo tin abusu (manera ta tuma lugá debí na skarsedat). Un estudio ta un mester.

For di 2008 nos lo por a diskutí e materia aki despues ku a disidí ku nos pais ta haña e Florin Karibense, abreviá CMg, na 2010. E trein ei a bai laga nos sinembargo ya ku Banko Sentral di Kòrsou i Sint Maarten ta morto na soño. Tambe, pronto nos lo kibra nos rèkòrt mundial di ta usa un moneda pa kasi 11 aña di un pais ku no ta èksistí, esta Antia Hulandes.

Sin estudio (ku mi ta na altura) a determiná ku lo eliminá papel di Naf 25 i introdusí papel di CMg 20, ounke ku nos tin dies aña den espera. E aspekto di moneda di 1 sèn no a keda diskutí. Mi ta kere ku su tempu a yega.

Willemstad, Kòrsou